മുംബൈ: സൂപ്പര്‍ഹിറ്റ് നായികയായിരുന്ന ശ്രീദേവിയുടെയും ബോണി കപൂറിന്റെയും മകളായ ജാന്‍വി കപൂര്‍ ബോളിവുഡ് യുവതാരങ്ങള്‍ക്കിടയില്‍ ഏറെ ശ്രദ്ധേയ ആയ നടിയാണ്. സോഷ്യല്‍ മീഡിയയില്‍ വളരെ സജീവമായ ജാന്‍വി ഇടയ്ക്കിടെ തന്റെ ചിത്രങ്ങളും വിശേഷങ്ങളും എല്ലാം തന്നെ പങ്കുവെച്ച് എത്താറുണ്ട്.
ഇപ്പോഴിതാ താരം ഇന്‍സ്റ്റാഗ്രാമില്‍ പങ്കുവെച്ച കൂട്ടുകാര്‍ക്കൊപ്പമുള്ള യാത്രാ ചിത്രങ്ങളാണ് വൈറലായിരിക്കുന്നത്. ഈ ചിത്രങ്ങള്‍ പങ്കുവെച്ച് വളരെ ചുരുങ്ങിയ സമയം കൊണ്ട് തന്നെ ആരാധകർ ഏറ്റെടുക്കുകയായിരുന്നു. കാടും മേടും താണ്ടിയും ട്രക്കിംഗ് നടത്തിയും പുഴയരികില്‍ വിശ്രമിച്ചുമെല്ലാം തന്റെ സുഹൃത്തുക്കളോടൊപ്പം വെക്കേഷന്‍ ആഘോഷമാക്കുന്ന ജാന്‍വിയെ ആണ് ഓരോ ചിത്രങ്ങളിലൂടെയും കാണാൻ സാധിക്കുന്നത്.
2018ല്‍ ‘ധടക്’ എന്ന ചിത്രത്തിലൂടെയായിരുന്നു അരങ്ങേറ്റം കുറിച്ച ജാന്‍വിയുടെ ഏറ്റവുമൊടുവില്‍ റിലീസ് ചെയ്ത ചിത്രമാണ് ‘റൂഹി- അഫ്‌സ’. ആനന്ദ് എല്‍ രാജ് സംവിധാനം ചെയ്ത ‘ഗുഡ് ലക്ക് ജെറി’ എന്ന ചിത്രത്തിന്റെ ഷൂട്ടിംഗ് പൂര്‍ത്തിയാക്കിയിരിക്കുകയാണ് ജാന്‍വി ഇപ്പോള്‍.
Post Your Comments