അമിത് ചക്കാലക്കൽ നായക കഥാപാത്രമായി വരുന്ന എസ് ജെ സിനുവിന്റെ സംവിധാനത്തിൽ ഒരുങ്ങുന്ന ഫാമിലി ആക്ഷൻ ത്രില്ലർ ചിത്രമായ ‘തേര്’ കോവിഡ് മാനദണ്ഡങ്ങളെല്ലാം പാലിച്ചു കൊണ്ട് വെറും 32 ദിവസങ്ങളിൽ ചിത്രീകരണം പൂർത്തിയാക്കിയിരിക്കുകയാണ്. പാലക്കാടും പരിസര പ്രദേശങ്ങളിലുമായാണ് ചിത്രം പൂർത്തീകരിച്ചത്. ചിത്രത്തിന്റെ സോഷ്യൽ മീഡിയ പേജുകളിൽ പുറത്തു വിട്ട കഥാപാത്രങ്ങളുടെ വേഷങ്ങളും അപ്‌ഡേറ്റുകളുമെല്ലാം പ്രേക്ഷകരുടെ ഇടയിൽ ഇപ്പോൾ തന്നെ ചർച്ചാ വിഷയം ആയി മാറിയിരിക്കുകയാണ്.
‘ജിബൂട്ടി’ക്ക്‌ ശേഷം അമിത് ചക്കാലയ്ക്കൽ – എസ്.ജെ സിനു കൂട്ടുകെട്ടിൽ പുറത്തിറങ്ങുന്ന ചിത്രമാണ് തേര്. കുടുംബകഥയുടെ പശ്ചാത്തലത്തിൽ ആക്ഷൻ ത്രില്ലറായാണ് ചിത്രം അണിയിച്ചൊരുക്കുന്നത്. അമിത് ചക്കാലക്കൽ, ബാബുരാജ് എന്നിവർക്ക് പുറമേ, അസീസ് നെടുമങ്ങാട്, വിജയരാഘവൻ, കലാഭവൻ ഷാജോൺ, സ്മിനു സിജോ, ആർ.ജെ നിൽജ, സഞ്ജു ശിവറാം, പ്രശാന്ത് അലക്സാണ്ടർ, ശ്രീജിത്ത് രവി, വീണ നായർ, അസീസ് നെടുമങ്ങാട്, ഷെഫീഖ്, റിയ സൈറ, പ്രമോദ്‌ വെളിയനാട്‌, സുരേഷ്‌ ബാബു തുടങ്ങിയവരും ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നുണ്ട്‌. കഴിഞ്ഞ മാസം മലയാളത്തിലെ പ്രമുഖ താരങ്ങൾ പുറത്തുവിട്ട ‘തേരി’ന്റെ ഒഫീഷ്യൽ ടൈറ്റിൽ പോസ്റ്റർ സോഷ്യൽ മീഡിയയിൽ ഏറെ ശ്രദ്ധ നേടിയ ഒന്നായിരുന്നു. ബ്ലൂഹിൽ നെയ്‌ൽ കമ്മ്യൂണിക്കേഷന്റെ ബാനറിൽ ജോബി. പി. സാം ആണ് ചിത്രം നിർമ്മിക്കുന്നത്.
തിരക്കഥ, സംഭാഷണം: ഡിനിൽ പി കെ, ഛായാഗ്രഹണം: ടി ഡി ശ്രീനിവാസ്, എക്സിക്യൂട്ടിവ് പ്രൊഡ്യൂസർ: തോമസ് പി മാത്യൂ, എഡിറ്റർ: സംജിത് മുഹമ്മദ്‌, ആർട്ട്: പ്രശാന്ത് മാധവ്, പ്രൊഡക്ഷൻ കൺട്രോളർ: ബിജു കെ തോമസ്, ചീഫ് അസോസിയേറ്റ് ഡയറക്ടർ: അനിരുദ്ധ് സന്തോഷ്, സ്റ്റണ്ട്സ്: വിക്കി മാസ്റ്റർ, ദിനേശ് കാശി, കോസ്റ്റ്യൂം: അരുൺ മനോഹർ, മേക്കപ്പ്: ആർജി വയനാടൻ, സ്റ്റിൽസ്: രാംദാസ് മാത്തൂർ, ഡിസൈൻ: മനു ഡാവിഞ്ചി, പി.ആർ.ഓ: പ്രതീഷ് ശേഖർ, ഡിജിറ്റൽ മാർക്കറ്റിംഗ്: ഹെയിൻസ്‌.
Post Your Comments