ചുമ്മാതല്ല അമൃത കുട്ടിയെയും കൊണ്ട് പോയത്: ആരാധകരെ ഞെട്ടിച്ച് ഒരു കുറിപ്പ്

വിവാദങ്ങളിൽ ഇപ്പോഴും നിറഞ്ഞു നിൽക്കുന്ന താരമാണ് ബാല. താരത്തിന്റെ സ്വകാര്യ ജീവിതം പലപ്പോഴും വാർത്തകളിൽ നിറഞ്ഞിരുന്നു. പുരാവസ്തു തട്ടിപ്പ് വീരൻ മോൻസൺ മാവുങ്കലുമായുള്ള ബന്ധമാണ് താരത്തെ ഇപ്പോൾ വിവാദങ്ങളിൽ നിറയ്ക്കുന്നത്. മോണ്‍സണുമായി ബാലയുടെ അടുത്ത ബന്ധം തെളിയിക്കുന്ന ഓഡിയോ ക്ലിപ്പ് പുറത്തു വന്നതും ഈ ബന്ധം വിശദീകരിച്ചു ചാനൽ ചർച്ചകളിൽ പരസ്പറ ബന്ധമില്ലാതെ കാര്യങ്ങൾ പറഞ്ഞതെല്ലാം ബാലയെ വിവാദത്തിലാക്കുകയാണ്.

ഇപ്പോഴിതാ ബാലയെ കുറിച്ച് ഒരു സർക്കാരുദ്യോഗസ്ഥ സോഷ്യൽ മീഡിയയിൽ കുറിച്ച വാക്കുകൾ ശ്രദ്ധ നേടുകയാണ്. ഗായിക അമൃതയുമായുള്ള വിവാഹമോചന ശേഷം ബാല അടുത്തിടെയാണ് രണ്ടാം വിവാഹം കഴിച്ചത്. ഇതുമായി ചേർത്തു വെച്ചുകൊണ്ടായിരുന്നു ഈ വിഷയത്തിൽ സിഡിറ്റിൽ മീഡിയ കണ്ടൻ്റ് അനലിസ്റ്റായി ജോലി ചെയ്തു വരുന്ന അനശ്വരയുടെ കുറിപ്പ്. ഒട്ടും പ്രൊഡക്റ്റിവ് അല്ലാത്ത ബോറടിപ്പിക്കുന്ന ബന്ധങ്ങൾ ആയാലും മനുഷ്യർക്ക് അതിൽ നിന്നും ഇറങ്ങി വരാൻ സാധിക്കണമെന്ന് അമൃതയെ ചൂണ്ടിക്കാട്ടിക്കൊണ്ട് അനശ്വര പറയുന്നു.

read also: റോങ് സ്റ്റേറ്റ്മെന്റുകളും വ്യക്തി അധിക്ഷേപവും ടെലികാസ്റ്റ് ചെയ്തത് ശരിയായില്ല, ഫ്ളവേര്‍സ് മറുപടി നല്‍കണം : ദിയ സന

അനശ്വരയുടെ കുറിപ്പ് :

‘ബാല എന്ന നടൻ മോൻസൻ മവുങ്കലിന്റെ തട്ടിപ്പുമായി ബന്ധപ്പെട്ട് 24 ചാനൽ ചർച്ചക്കിടെ എലിസബത്ത് come here എന്നു വിളിച്ച് ഗോഡിനോട് മാത്രമാണ് എനിക്ക് കമ്മിറ്റ്മെന്റ് എന്നൊക്കെ പറഞ്ഞു കാണിച്ച ഷോ കഴിഞ്ഞപ്പോ പലരും പറയുന്നത് കേട്ടു.. ചുമ്മാതല്ല അമൃത എന്ന മുൻഭാര്യ ഇട്ടിട്ട് കുട്ടിയെയും കൊണ്ട് പോയത്. അമൃത രക്ഷപ്പെട്ടു എന്നൊക്കെ..’

‘നമ്മൾ എല്ലാവരും ഒരു സമയത്ത് പറയുന്നത് ആണിത്. ഭാര്യയുടെ അല്ലെങ്കിൽ ഭർത്താവിന്റെ എന്തെങ്കിലും പ്രശ്നം അറിയുമ്പോൾ പങ്കാളി ഉപേക്ഷിച്ചു പോയത് നന്നായി എന്നു.. അതുവരെ പങ്കാളിയെ ആകും നമ്മൾ ബന്ധം പിരിഞ്ഞതിൽ പ്രതിസ്ഥാനത്ത് നിർത്തുക. അമൃത എന്ന കുട്ടി ഈ ബന്ധം അവസാനിപ്പിച്ചതിന്റെ പേരിൽ ഒരുപാട് പഴികൾ കേട്ടിട്ടുണ്ട്..’

ഒരു ബന്ധം പിരിയുന്നത് പങ്കാളി മോശം വ്യക്തി ആയത് കൊണ്ട് മാത്രം ആവണം എന്നില്ല. ഒട്ടും പ്രൊഡക്റ്റിവ് അല്ലാത്ത ബോറടിപ്പിക്കുന്ന ബന്ധങ്ങൾ ആയാലും മനുഷ്യർക്ക് അതിൽ നിന്നും ഇറങ്ങി വരാൻ സാധിക്കണം. പ്രത്യേകിച്ച് ഒരു കാരണവും ഇല്ലാതെ തന്നെ പരസ്പരം ഒന്നും നൽകാൻ ഇല്ലാത്തത് കൊണ്ട് ചിലപ്പോൾ വിവാഹബന്ധം അവസാനിപ്പിക്കുന്ന ആളുകൾ ഇല്ലേ.. അങ്ങനെ ഉണ്ടാകുമ്പോൾ നമ്മൾ പറയും എന്നാലും ആ തങ്കം പോലത്തെ കൊച്ചിനെ കളഞ്ഞിട്ട് അവൾ/അവൻ പോയെക്കുന്നു… എന്ന്…’

‘ബന്ധം അവസാനിപ്പിക്കുന്നത് ആ രണ്ടു വ്യക്തികൾ തമ്മിലുള്ള എന്ത് കാരണവും കൊണ്ടാകാം. നിങ്ങൾക്ക് ബോധ്യമാകുന്ന കാരണം തന്നെ വേണം അല്ലെങ്കിൽ ഞങ്ങൾ അത് സ്വീകരിക്കില്ല എന്നുള്ള ചിന്ത പരമബോറാണ്..’

നബി: പണ്ട് ഒന്നും ഒന്നും മൂന്നിൽ ബാല അമൃത ദമ്പതികൾ വന്നത് കണ്ടപ്പോൾ ചെടിച്ചതാണ് എനിക്ക് ആ മനുഷ്യനെ.. പങ്കാളിയെ (കൂടെയുള്ള വ്യക്തികളെ)ബഹുമാനം ഇല്ലാത്ത ആളുകളെ സഹിക്കാൻ പണ്ടേ പാടാണ്.