സായ് പല്ലവി-നാഗചൈതന്യ ചിത്രം ‘ലവ് സ്റ്റോറി’: വീണ്ടും റിലീസ് തീയതി മാറ്റി

സായ് പല്ലവിയെയും നാഗചൈതന്യയെയും കേന്ദ്ര കഥാപാത്രങ്ങളാക്കി ശേഖർ കമൂല സംവിധാനം ചെയ്യുന്ന ചിത്രമാണ് ‘ലവ് സ്റ്റോറി’. കോവിഡ് മൂലം പലതവണ റിലീസ് നീണ്ടു പോയ സിനിമ ഇന്നലെ പ്രദർശനത്തിനെത്തും എന്നായിരുന്നു അറിയിച്ചത്. എന്നാൽ ചിത്രം ഇന്നലെ റിലീസ് ചെയ്തിരുന്നില്ല. ഇതിനുള്ള കാരണവും നിര്‍മ്മാതാക്കളായ ശ്രീ വെങ്കടേശ്വര സിനിമാസ്  സോഷ്യൽ മീഡിയയിലൂടെ അറിയിക്കുകയും ചെയ്തിരുന്നു.

‘ഒഴിവാക്കാനാവാത്ത സാഹചര്യങ്ങളാല്‍ ലവ് സ്റ്റോറി എന്ന ഞങ്ങളുടെ ചിത്രത്തിന്‍റെ റിലീസ് മാറ്റിവച്ചിരിക്കുകയാണ്. നിങ്ങള്‍ ഏവരെയും ചിത്രം കാണിക്കാനായുള്ള കാത്തിരിപ്പിലാണ് ഞങ്ങള്‍. സെപ്റ്റംബര്‍ 24 ആണ് പുതിയ റിലീസ് തീയതി. നിങ്ങള്‍ ഏവരെയും ഉടന്‍ തിയറ്ററുകളില്‍ കാണാനാവുമെന്ന് പ്രതീക്ഷിക്കുന്നു. എല്ലാവര്‍ക്കും സുരക്ഷിതവും സന്തോഷകരവുമായ ഒരു വിനായക ചതുര്‍ഥി ആശംസിക്കുന്നു’, നിര്‍മ്മാതാക്കള്‍ വാര്‍ത്താക്കുറിപ്പില്‍ അറിയിച്ചു.

Due to unavoidable circumstances, the release of #LoveStory has been postponed to 24th September,2021. #lovestoryfromsep24th@chay_akkineni @Sai_Pallavi92 @sekharkammula @pawanch19 @SVCLLP #amigoscreations @AsianSuniel @adityamusic @NiharikaGajula @GskMedia_PR pic.twitter.com/OCfy5C3ZNr

— Sree Venkateswara Cinemas LLP (@SVCLLP) September 10, 2021

ശേഖര്‍ കമ്മുല രചനയും സംവിധാനവും നിര്‍വ്വഹിച്ചിരിക്കുന്ന ചിത്രമാണിത്. നാഗ ചൈതന്യയും സായ് പല്ലവിയും ആദ്യമായി സ്ക്രീനില്‍ ഒരുമിച്ചെത്തുന്ന ചിത്രം നിര്‍മ്മിച്ചിരിക്കുന്നത് അമിഗോസ് സിനിമാസ്, ശ്രീ വെങ്കടേശ്വര സിനിമാസ് എന്നീ ബാനറുകളാണ്. പവന്‍ സി എച്ച് ആണ് സംഗീതം. വിജയ് സി കുമാര്‍ ആണ് ഛായാഗ്രഹണം. എഡിറ്റിംഗ് മാര്‍ത്താണ്ഡ് കെ വെങ്കടേഷ്.