പിറന്നാളിന് പിന്നാലെ പുത്തൻ ഗെറ്റപ്പിൽ നടൻ മമ്മൂട്ടി. കോവിഡ് തുടങ്ങിയ കാലം മുതൽ വളർത്തിയിരുന്ന താടിയെടുത്ത്, മുടി വെട്ടിയൊതുക്കി എത്തിയ മമ്മൂട്ടിയുടെ ലുക്ക് ഇതിനോടകം സോഷ്യൽ മീഡിയയിൽ വൈറലായി കഴിഞ്ഞിരിക്കുകയാണ്. ‘പുഴു’ എന്ന സിനിമയ്ക്കുവേണ്ടിയാണ് മമ്മൂട്ടിയുടെ പുതിയ ഗെറ്റപ്പ്.
പ്രതിപക്ഷ നേതാവ് വി.ഡി. സതീശനൊപ്പമുള്ള മമ്മൂട്ടിയുടെ ചിത്രം നിര്‍മാതാവ് ആന്റോ ജോസഫ് പങ്കുവെച്ചിട്ടുണ്ട്. തൃശൂരിൽ എത്തിയ താരം സുഹൃത്തിന്റെ മകളുടെ വിവാഹത്തിലും പങ്കെടുത്തു.
കോവിഡ് ലോക്ഡൗൺ തുടങ്ങിയ കാലം മുതൽ താടിയും മുടിയും നീട്ടിവളര്‍ത്തിയ ഗെറ്റപ്പിലായിരുന്നു മമ്മൂട്ടി. പൊതുചടങ്ങുകളിലും ഈ ലുക്കിലായിരുന്നു അദ്ദേഹം പങ്കെടുത്തിരുന്നത്. ഇതേ ഗെറ്റപ്പിലാണ് അമല്‍നീരദ് ചിത്രം ‘ഭീഷ്മപര്‍വ’ത്തില്‍ അഭിനയിച്ചത്.
Post Your Comments