നിന്നെക്കുറിച്ച് ഓർത്ത് അഭിമാനിക്കുന്നു: പിറന്നാൾ ദിനത്തിൽ മകളുടെ ചിത്രവുമായി പൃഥ്വിരാജും സുപ്രിയയും

പിറന്നാൾ ദിനത്തിൽ മകൾ അലംകൃതയുടെ ചിത്രം പങ്കുവെച്ച് നടൻ പൃഥ്വിരാജും ഭാര്യയും നിർമ്മാതാവുമായ സുപ്രിയയും. അപൂർവം ആയി മാത്രമേ ഇരുവരും മകളുടെ മുഖം കാണിക്കാറുള്ളു. ഇത്തവണ അല്ലിയുടെ മുഖം മുഴുവനായി കാണിച്ചതിന്റെ സന്തോഷത്തിലാണ് അലംകൃതയുടെ ആരാധകർ.

അല്ലിയുടെ ഏഴാം പിറന്നാളാണ് ഇന്ന്. ഇൻസ്റ്റഗ്രാമിലൂടെയാണ് ചിത്രം പങ്കുവച്ചിരിക്കുന്നത്. നിന്നെക്കുറിച്ച് ഓർത്ത് അഭിമാനിക്കുന്നു എന്നാണ് പൃഥ്വിരാജ് ചിത്രത്തിന് താഴെ ആശംസ നേർന്ന് കുറിച്ചിരിക്കുന്നത്. ചെറിയ ശരീരത്തിൽ വലിയ മനസുള്ളവളാണ് അല്ലിയെന്നാണ് സുപ്രിയ കുറിപ്പിൽ പറയുന്നത്. അവളിലെ നന്മ എല്ലാവരിലേക്കും വ്യാപിക്കട്ടെ എന്നും സുപ്രിയ ആശംസിക്കുന്നു.

‘സന്തോഷകരമായ ജന്മദിനം. മമ്മയും ഡാഡയും വളരെ അഭിമാനിക്കുന്നു നിന്നെ ഓര്‍ത്ത്. പുസ്‍തകങ്ങളോടുള്ള നിന്റെ സ്‍നേഹവും ലോകത്തോടുള്ള അനുകമ്പയും വിശാലമാകട്ടെ. എല്ലായ്‍പ്പോഴും വളരെ ജിജ്ഞാസുമായി തുടരട്ടെ, നീ എല്ലായ്‍പ്പഴും വലിയ സ്വപ്‍നം കാണട്ടെ. ഞങ്ങളുടെ എക്കാലത്തെയും സന്തോഷവും ഞങ്ങളുടെ ഏറ്റവും വലിയ നേട്ടവും നീയാണ്. ഞങ്ങൾ നിന്നെ സ്‍നേഹിക്കുന്നു’ , പൃഥ്വിരാജ് കുറിച്ചു.

https://www.instagram.com/p/CTi7PlRPW3W/?utm_source=ig_embed&ig_rid=371b40b2-f73d-4b9b-b5dd-b087b096a980

‘ഏഴ് വർഷം മുമ്പ് നീയാൽ ദാദയും മമ്മയും അനുഗ്രഹിക്കപ്പെട്ടത് ഇന്നലെയാണെന്നത് പോലെ തോന്നുന്നു. ഈ കൊച്ചു ശരീരത്തിൽ വലിയ ഹൃദയമുള്ളവൾ അവളുടെ സ്നേഹവും അനുകമ്പയും കൊണ്ട് ഞങ്ങളെ നിലനിർത്തുമെന്നും ഓരോ ദിവസവും അവളുടെ ദയയിലൂടെ നമ്മെ ഓരോന്ന് പഠിപ്പിക്കുകയും ചെയ്യുമെന്ന് ഞങ്ങൾക്കറിയില്ലായിരുന്നു. നല്ലവരായിരിക്കുകയും നന്മ ചെയ്യുന്നതും ഒരു അപൂർവ ഗുണമായി മാറുന്ന ഈ ലോകത്ത്, ദൈവം അത് നൽകി നിന്നെ സമൃദ്ധമായി അനുഗ്രഹിച്ചു. നിന്നിലെ നന്മ ഓരോ ദിവസവും വളരാൻ ഞങ്ങൾ പ്രാർത്ഥിക്കുന്നു, അത് നിനക്ക് വാർണക്കടലാസുകൾ പറന്നു വീഴുന്നതുപോലെ പടർത്താൻ കഴിയും! നിന്നെ നൽകി ഞങ്ങളെ അനുഗ്രഹിച്ചതിന് സർവ്വശക്തനോട് നന്ദി പറയുന്നു, അല്ലി! ജന്മദിനാശംസകൾ നേരുന്നു പ്രിയേ!’ സുപ്രിയ കുറിച്ചു.

https://www.instagram.com/p/CTi7P8ApFY0/?utm_source=ig_web_copy_link