സംവിധായകൻ ഒരു ഗംഭീര നടനും കോസ്റ്റാർ ഒരു ഇതിഹാസവും ആകുമ്പോൾ : ചിത്രവുമായി മീന

മോഹൻലാലിനെ നായകനാക്കി പൃഥ്വിരാജ് സംവിധാനം ചെയ്യുന്ന ഏറ്റവും പുതിയ ചിത്രമാണ് ബ്രോ ഡാഡി. ഇപ്പോഴിതാ ചിത്രത്തിന്റെ ലൊക്കേഷൻ ചിത്രവുമായി എത്തിയിരിക്കുകയാണ് നടി മീന. നിങ്ങളുടെ സംവിധായകന്‍ ഒരു ഗംഭീര നടനും കോസ്റ്റാര്‍ ഒരു ഇതിഹാസവും ആകുമ്പോള്‍ അത് വലിയൊരു അനുഭവം തന്നെയാണ് അടികുറിപ്പോടെയാണ് പൃഥ്വിരാജിനും മോഹൻലാലിനുമൊപ്പമുള്ള ചിത്രം പങ്കുവെച്ചുകൊണ്ട് മീന കുറിക്കുന്നത്.

https://www.facebook.com/Meena9/posts/2189969571144848

കഴിഞ്ഞ ദിവസമാണ് ബ്രോ ഡാഡിയുടെ ചിത്രീകരണം പൂര്‍ത്തിയായത്. 40 ദിവസം കൊണ്ടാണ് ഷൂട്ട് പൂര്‍ത്തിയാക്കിയത്. ലൂസിഫറിന് ശേഷം പൃഥ്വിരാജ് സംവിധാനം ചെയ്ത ചിത്രമാണ് ബ്രോ ഡാഡി. മോഹന്‍ലാലിന്റെ മകന്റെ വേഷമാണ് ചിത്രത്തില്‍ പൃഥ്വിരാജ് ചെയ്യുന്നത്.

ചിത്രത്തില്‍ മീന, കനിഹ, കല്യാണി പ്രിയദര്‍ശന്‍, ലാലു അലക്സ്, ജഗദീഷ്, സൗബിന്‍ എന്നിങ്ങനെ വമ്പന്‍ താരനിരയാണ് അണിനിരക്കുന്നത്. അഭിനന്ദ് രാമാനുജം ഛായാഗ്രഹണം നിര്‍വ്വഹിക്കുന്ന ചിത്രത്തിന്റെ എഡിറ്റര്‍ അഖിലേഷ് മോഹനാണ്. ദീപക് ദേവാണ് സംഗീത സംവിധായകന്‍. ആര്‍ട്ട് ഡയറക്ടര്‍: ഗോകുല്‍ ദാസ്, പ്രൊഡക്ഷന്‍ കണ്ട്രോളര്‍: സിദ്ധു പനക്കല്‍ എന്നിവരാണ് മറ്റ് അണിയറ പ്രവര്‍ത്തകര്‍. ആശിര്‍വാദ് സിനിമാസിന്റെ ബാനറില്‍ ആന്റണി പെരുമ്പാവൂരാണ് ചിത്രം നിര്‍മ്മിക്കുന്നത്.