സിബിഐയുമായി ഞങ്ങളെത്തും: മമ്മൂട്ടിയുടെ ജന്മദിനത്തിൽ കെ. മധു

മലയാളത്തിന്റെ മഹാനടൻ മെഗാസ്റ്റാർ മമ്മൂട്ടിയുടെ 70-ാം ജന്മദിനം ആഘോഷിക്കുകയാണ് മലയാളികൾ ഇന്ന്. ആരാധകരും സുഹൃത്തുക്കളും സഹപ്രവർത്തകരും ഉൾപ്പടെ നിരവധിപേരാണ് പ്രിയപ്പെട്ട നടന് സോഷ്യൽ മീഡിയയിലൂടെ ജന്മദിനാശംസകൾ നൽകുന്നത്. ഇപ്പോഴിതാ അദ്ദേഹത്തിന്റെ പിറന്നാൾ ദിനത്തിൽ ആരാധകർ കാത്തിരിക്കുന്ന പ്രഖ്യാപനം നടത്തിയിരിക്കുകയാണ് സംവിധായകൻ കെ. മധു. മമ്മൂട്ടിയുടെ കരിയറിലെ എക്കാലത്തെയും ഹിറ്റ് ചിത്രം സിബിഐയുടെ പുതിയ ഭാഗം ഉടൻ എത്തുമെന്ന് അറിയിച്ചിരിക്കുകയാണ് കെ മധു.

കെ മധുവിന്റെ വാക്കുകൾ:

ഹൃദയം നിറയുന്ന സ്നേഹമാണ് എനിക്ക് ശ്രീ മമ്മൂട്ടി . സ്നേഹം നൽകുന്ന ഹൃദയമാണ് മമ്മൂട്ടിയുടേത്. ആ താരസൂര്യന്റെ ജന്മദിനമാണിന്ന്. അദ്ഭുതമാണ് ക്യാമറയ്ക്ക് മുന്നിലും ജീവിതത്തിലും മമ്മൂട്ടിയെന്ന മനുഷ്യൻ. ഗോൾഡൻ വീസ സ്വീകരണ ചടങ്ങിലും ഗാംഭീര്യമുള്ള ആ ശബ്ദത്തിൽ കേരളത്തിലെ പ്രേക്ഷകരോടുളള സ്നേഹം ചേർത്തുപിടിച്ച് നിറകുടം തുളുമ്പില്ലെന്ന് ഒരിക്കൽ കൂടി തെളിയിച്ചു. പ്രേക്ഷകർക്കായ് വീണ്ടും ചിലത് തെളിയിക്കാൻ സിബിഐയുമായി ഞങ്ങളെത്തും…

ഒരിക്കൽകൂടി താരസൂര്യന് ‘മമ്മൂട്ടിയെപ്പോലെ അദ്ഭുതകരമായ ജന്മദിനം ആശംസിക്കുന്നു.’ ആ അത്ഭുതങ്ങൾ തുടരട്ടെ …സ്നേഹം നിറഞ്ഞ പിറന്നാൾ ആശംസകൾ.

https://www.facebook.com/DirectorKMadhuOfficial/posts/377246490443595?__tn__=%2CO*F