യൂട്യൂബ് ചാനൽ ഹാക്ക് ചെയ്യപ്പെട്ടു: അറിയിപ്പുമായി ഗായിക ശ്രേയ ജയദീപ്

റിയാലിറ്റി ഷോയിലൂടെ എത്തി പ്രേക്ഷക മനസ്സിൽ ഇടം പിടിച്ച ഗായികയാണ് ശ്രേയ ജയദീപ്. ഇപ്പോഴിതാ തന്റെ യൂട്യൂബ് ചാനൽ ഹാക്ക് ചെയ്യപ്പെട്ടു എന്ന അറിയിപ്പുമായി എത്തിയിരിക്കുകയാണ് ശ്രേയ ജയദീപ്. ഫേസ്ബുക്കിൽ പോസ്റ്റ് ചെയ്ത വീഡിയോയിലൂടെയാണ് ശ്രേയ ഇക്കാര്യം അറിയിച്ചത്.

‘എന്‍റെ യൂട്യൂബ് ചാനൽ ഹാക്കായി, അത് തിരിച്ചുപിടിക്കാൻ ശ്രമിക്കുന്നുണ്ട്. അതിനൊപ്പം ഒരു ബാക്ക് അക്കൌണ്ട് തുടങ്ങുകയാണ്. പുതിയ ചാനലിലൂടെ ലൈവ് വന്നിട്ട് സ്റ്റാർട്ട് ചെയ്യാനാണ് ആഗ്രഹിക്കുന്നത്. എല്ലാവരുടെയും സപ്പോർട്ട് വേണം’. പുതിയ ചാനലിന്‍റെ ലിങ്ക് വളരെ വേഗം തന്നെ പങ്കുവെക്കാമെന്നും ശ്രേയ വീഡിയോയിൽ ശ്രേയ പറഞ്ഞു.

അമർ അക്ബർ അന്തോണി എന്ന സിനിമയിലെ ‘എന്നോ ഞാനെന്‍റെ’ എന്നു തുടങ്ങുന്ന ഗാനം ആലപിച്ചാണ് ശ്രേയ ജയദീപ് ശ്രദ്ധേയായി മാറിയത്. മോഹൻലാൽ-പ്രിയദർശൻ കൂട്ടുകെട്ടിൽ പിറന്ന ഒപ്പം എന്ന ചിത്രത്തിലെ മിന്നും മിന്നാമിനുങ്ങേ എന്ന് തുടങ്ങുന്ന ഗാനവും ഏറെ ശ്രദ്ധിക്കപ്പെട്ടിരുന്നു.