അമ്മയുടെ പിറന്നാൾ ദിനത്തിൽ ആശംസയുമായി നവ്യ: ചിത്രങ്ങൾ

പ്രേഷകരുടെ പ്രിയപ്പെട്ട നടിയാണ് നവ്യാ നായർ. സോഷ്യൽ മീഡിയയിൽ വളരെ സജീവമായ താരം തന്റെ ചിത്രങ്ങൾ എല്ലാം പ്രേക്ഷകരുമായി പങ്കുവെയ്ക്കാറുണ്ട്. ഇപ്പോഴിതാ അമ്മയുടെ പിറന്നാൾ ദിനത്തിൽ അമ്മയ്ക്കായി ഒരുക്കിയ ഒരു സ്നേഹസമ്മാനത്തെ കുറിച്ചുള്ള നവ്യയുടെ കുറിപ്പാണ് ശ്രദ്ധ നേടുന്നത്. അമ്മയ്ക്ക് ഇഷ്ടപ്പെട്ട ഭക്ഷണം സ്വയം പാചകം ചെയ്ത വിശേഷമാണ് നവ്യ പങ്കുവയ്ക്കുന്നത്.

‘അമ്മയുടെ പിറന്നാളിന് എന്റെ പാചകം.​ അമ്മയ്ക്ക് ഇഷ്ടപ്പെട്ട മട്ടൺ കറിയും ഗീ റൈസും,’എന്ന് ചിത്രത്തോടൊപ്പം നവ്യ കുറിക്കുന്നു.

https://www.instagram.com/p/CTRc7Rjpmiw/?utm_source=ig_web_copy_link

നവ്യയുടെ സഹോദരന്റെ ജന്മദിനവും ഇന്നു തന്നെയാണ്. അമ്മയ്ക്കായി സഹോദരൻ ഒരുക്കിയ സർപ്രൈസിന്റെ വീഡിയോയും താരം ഷെയർ ചെയ്തിട്ടുണ്ട്. അധ്യാപിക കൂടിയായ അമ്മയ്ക്കായി ക്ലാസ്റൂമുകളെ അനുസ്മരിക്കുന്ന ഒരു തീം കേക്കാണ് നവ്യയുടെ സഹോദരൻ ഒരുക്കിയത്.

നീണ്ടൊരു ഇടവേളയ്ക്കുശേഷം വി.കെ.പ്രകാശ് സംവിധാനം ചെയ്യുന്ന ‘ഒരുത്തീ’ എന്ന ചിത്രത്തിലൂടെ മലയാള സിനിമയിലേക്കു മടങ്ങിയെത്താൻ ഒരുങ്ങുകയാണ് നവ്യ നായർ. ചിത്രത്തിൽ നവ്യയെ കൂടാതെ വിനായകൻ, സൈജു കുറുപ്പ്, സന്തോഷ് കീഴാറ്റൂർ, മുകുന്ദൻ, ജയശങ്കർ, മനു രാജ് , മാളവിക മേനോൻ, കൃഷ്ണപ്രസാദ്‌ എന്നിങ്ങനെ ഒരു വലിയ താര നിര തന്നെ അണിനിരക്കുന്നുണ്ട്. അതേസമയം ദൃശ്യം 2 കന്നഡ ചിത്രത്തിലാണ് നവ്യ ഇപ്പോൾ അഭിനയിച്ചു കൊണ്ടിരിക്കുന്നത്.