പതിനേഴാം വയസ്സിൽ ആദ്യ മോഡലിംഗ്: ചിത്രങ്ങളുമായി ശ്രുതി ഹാസൻ

പ്രേഷകരുടെ പ്രിയപ്പെട്ട നായികമാരില്‍ ഒരാളാണ് ശ്രുതി ഹാസന്‍. പിതാവ് നടൻ കമല്‍ഹാസന്റെ പാത പിന്തുടര്‍ന്ന് സിനിമയിലേക്ക് എത്തുകയായിരുന്നു ശ്രുതിയും. അച്ഛന്‌റെ തന്നെ ഹേ റാം എന്ന ചിത്രത്തില്‍ ബാലതാരമായിട്ടാണ് ശ്രുതി സിനിമയിലേക്ക് എത്തുന്നത്. പിന്നാലെ ലക്ക് എന്ന ചിത്രത്തിലൂടെ നായികയായും അരങ്ങേറ്റം കുറിച്ചു. അഭിനയ പ്രാധാന്യമുളള വേഷങ്ങള്‍ക്കൊപ്പം ഗ്ലാമറസ് റോളുകളിലും ശ്രുതി തിളങ്ങിയിരുന്നു. തമിഴിലെയും തെലുങ്കിലെയും സൂപ്പർ താരങ്ങളുടെ നായികയായി ശ്രുതി നിരവധി ചിത്രങ്ങളിൽ ഇതിനോടകം അഭിനയിച്ചു കഴിഞ്ഞു. ഇടക്കാലത്ത് ഒരു ഇടവേള എടുത്ത താരം ഇപ്പോൾ വിജയ് സേതുപതിയുടെ നായികയായി ഗംഭീര തിരിച്ചുവരവിനൊരുങ്ങുകയാണ്. തെലുങ്കിലും നടിയുടേതായി ചിത്രങ്ങൾ ഒരുങ്ങുന്നുണ്ട്.

സോഷ്യൽ മീഡിയയിലും നിറസാന്നിധ്യമായ ശ്രുതി തന്റെ ഫോട്ടോഷൂട്ട് ചിത്രങ്ങളും വിശേഷങ്ങളുമെല്ലാം പങ്കുവെയ്ക്കാറുണ്ട്. ഇപ്പോഴിതാ അത്തരത്തിൽ ശ്രുതി പങ്കുവെച്ച ചില ചിത്രങ്ങളാണ് വൈറലാകുന്നത്. തന്റെ പഴയകാല ചിത്രങ്ങളാണ് ശ്രുതി പങ്കുവെച്ചിരിക്കുന്നത്. തന്റെ പതിനേഴാമത്തെ വയസിലാണ് മോഡലിംഗ് ആരംഭിക്കുന്നത് എന്നും. അന്നത്തെ ചിത്രങ്ങളാണ് ഇതെന്നും ശ്രുതി ചിത്രത്തോടൊപ്പം കുറിക്കുന്നു.

https://www.instagram.com/p/CTJ6pTzrqyT/?utm_source=ig_web_copy_link

ഒട്ടേറെ പേരാണ് ഫോട്ടോയ്‍ക്ക് കമന്റുകളുമായി എത്തുന്നത്. നടിയുടെ മേക്കോവറിനെ കുറിച്ചും ആരാധകർ കമന്റ് ചെയ്യുന്നുണ്ട്. പ്ലാസ്റ്റിക്ക് സർജറിയിലൂടെ നടി നടത്തിയ മാറ്റങ്ങൾ ഞെട്ടിക്കുന്നതാണ്.

കമല്‍ഹാസന്റെയും സരികയുടെയും മൂത്ത മകളാണ് ശ്രുതി ഹാസൻ.