മോഹൻലാലിനെ നായകനാക്കി പൃഥ്വിരാജ് സംവിധാനം ചെയ്യുന്ന ചിത്രമാണ് ബ്രോ ഡാഡി. ഹൈദരാബാദില്‍ ചിത്രീകരണം പുരോഗമിക്കുന്ന സിനിമയുടെ പുതിയ വിശേഷം പങ്കുവെച്ചിരിക്കുകയാണ് പൃഥ്വിരാജ്. മോഹന്‍ലാലും മല്ലിക സുകുമാരനും ഒരേ ഫ്രെയിമിലുളള ചിത്രമാണ് പൃഥ്വിരാജ് പങ്കുവെച്ചത്.
‘എല്ലാ കാലത്തെയും മികച്ച നടനെയും അതിലും മികച്ച അമ്മയെയും ഒരേ ഫ്രെയിമില്‍ ഡയറക്ട് ചെയ്യാന്‍ സാധിച്ചപ്പോള്‍’ എന്നാണ് പൃഥ്വിരാജ് ഫോട്ടോ പങ്കുവെച്ച് കുറിച്ചത്.
കഴിഞ്ഞ ദിവസം മോഹന്‍ലാലിന്റെ മകന്റെ വേഷമാണ് ചിത്രത്തില്‍ പൃഥ്വിരാജ് ചെയ്യുന്നതെന്ന വാര്‍ത്തകള്‍ വന്നിരുന്നു. മല്ലിക സുകുമാരന്റെ കഥാപാത്രമെന്താണെന്ന് വ്യക്തമല്ല.
https://www.facebook.com/PrithvirajSukumaran/posts/408653857293840
ബ്രോ ഡാഡിയിൽ മോഹൻലാൽ, പൃഥ്വിരാജ്, മീന, കല്യാണി പ്രിയദർശൻ, സൗബിൻ, ലാലു അലക്സ് തുടങ്ങി നിരവധി താരങ്ങളാണ് ഒരുമിക്കുന്നത്. ആശിർവാദ് സിനിമാസിന്‍റെ ബാനറിൽ ആന്റണി പെരുമ്പാവൂരാണ് സിനിമയുടെ നിർമ്മാണം.
Post Your Comments