മോഹൻലാലിനെ നായകനാക്കി പൃഥ്വിരാജ് സംവിധാനം ചെയ്യുന്ന ചിത്രമാണ് ബ്രോ ഡാഡി. ഹൈദരാബാദില്‍ ചിത്രീകരണം പുരോഗമിക്കുന്ന സിനിമയെ കുറിച്ചുള്ള ഒരു പ്രധാന അപ്‌ഡേഷൻ നടത്തിയിരിക്കുകയാണ് നടൻ ജഗദീഷ്. ചിത്രത്തിൽ ജഗദീഷും പ്രധാന കഥാപത്രത്തെ അവതരിപ്പിക്കുന്നുണ്ട്. ഐഎഎന്‍എസിന് നല്‍കിയ അഭിമുഖത്തിലാണ് സിനിമയിലെ രഹസ്യം ജഗദീഷ് വെളിപ്പെടുത്തിയിരിക്കുന്നത്.
ചിത്രം ഒരു ബിഗ് എന്റര്‍ട്ടെയിനര്‍ ആയിരിക്കുമെന്നും. പൃഥ്വിരാജിന്റെ സംവിധാന മികവ് തന്നെ അത്ഭുതപ്പെടുത്തിഎന്നും ജഗദീഷ് പറയുന്നു. എല്ലാ നടന്മാരുടെയും മികച്ച പെര്‍ഫോമന്‍സാണ് പൃഥ്വിരാജെന്ന സംവിധായകന്‍ പുറത്തെടുക്കുന്നതെന്നും താരം പറയുന്നു. കൂടാതെ ചിത്രത്തിൽ പൃഥ്വിരാജ് മോഹന്‍ലാലിന്റെ മകന്റെ വേഷമാണ് ചെയ്യുന്നതെന്നും ജഗദീഷ് വെളിപ്പെടുത്തി.
ജഗദീഷിന്റെ വാക്കുകള്‍:
‘ബ്രോ ഡാഡിയില്‍ അഭിനയിക്കണമെന്നാവശ്യപ്പെട്ട് എന്നെ സമീപിച്ചപ്പോഴുണ്ടായ സന്തോഷം ചിത്രത്തിന്റെ ലൊക്കേഷനിലെത്തിച്ചപ്പോള്‍ ഇരട്ടിയായി. ഹൈദരാബാദില്‍ ചിത്രത്തിന്റെ 80 ശതമാനത്തോളം ചിത്രീകരണം പൂര്‍ത്തിയായി. പൃഥ്വിരാജിന്റെ സംവിധായകമികവ് എന്നെ അത്ഭുതപ്പെടുത്തുകയാണ്. ക്യാമറ, ലെന്‍സ്, ലൈറ്റിങ് എന്നിങ്ങനെ ഒരു സിനിമാനിര്‍മ്മാണത്തിന്റെ എല്ലാ വശങ്ങളും പൃഥ്വിരാജിന് അറിയാം. മാത്രമല്ല എല്ലാ നടന്മാരുടെയും മികച്ച പെര്‍ഫോമന്‍സാണ് പൃഥ്വിരാജെന്ന സംവിധായകന്‍ പുറത്തെടുക്കുന്നത്മൂന്ന് സൃഹൃത്തുക്കളുടെ കഥ പറയുന്ന ബ്രോ ഡാഡി, ഒരു ക്രിസ്ത്യന്‍ പശ്ചാത്തലത്തിലുള്ള കുടുംബ ചിത്രമാണ്. ചിത്രത്തില്‍ മോഹന്‍ലാലിന്റെ മകനായാണ് പൃഥ്വിരാജ് എത്തുന്നത്,’ ജഗദീഷ് പറഞ്ഞു.
Post Your Comments