സിനിമ നിർമാതാവും ഷെഫുമായ നൗഷാദ് ഗുരുതരാവസ്ഥയിൽ കഴിയുന്ന വിവരം ഇന്നാണ് പുറത്തു വന്നത്. തൊട്ടു പിന്നാലെ അദ്ദേഹം മരിച്ചുവെന്ന തരത്തിൽ നിരവധി വ്യാജ വാർത്തകളാണ് സോഷ്യൽ മീഡിയയിലൂടെ പ്രചരിച്ചുകൊണ്ടിരിക്കുന്നത്. ഇപ്പോഴിതാ നൗഷാദ് മരിച്ചിട്ടില്ലെന്നും ഇപ്പോഴും വെന്റിലേറ്ററിൽ തുടരുകയാണെന്നും അദ്ദേഹത്തിന്റെ സുഹൃത്തും നിർമാതാവും കൂടിയായ നൗഷാദ് ആലത്തൂർ അറിയിച്ചു.
‘മരണപ്പെട്ടു എന്ന് പറഞ്ഞിട്ടുള്ള വാർത്ത സോഷ്യൽ മീഡിയയിൽ പരക്കുന്നുണ്ട്. എൻറെ സുഹൃത്തുക്കളായ നിരവധി പേർ ഹോസ്പിറ്റലിൽ ഉണ്ട് ഇപ്പോൾ ഞാൻ ഫോണിൽ സംസാരിച്ചിരുന്നു ഇപ്പോഴും വെൻറിലേറ്ററിൽ ആണ്’ നൗഷാദ് ആലത്തൂർ ഫേസ്ബുക്കിൽ കുറിച്ചു.
തിരുവല്ലയിലെ സ്വകാര്യ ആശുപത്രിയിലാണ് നൗഷാദിനെ പ്രവേശിപ്പിച്ചിരിക്കുന്നത്. രണ്ടാഴ്ച മുമ്പാണ് നൗഷാദിന്റെ ഭാര്യ മരിച്ചത്. ഒരു മകളാണ് ഉള്ളത്.
കാഴ്ച, ചട്ടമ്പിനാട്, ബെസ്റ്റ് ആക്ടർ, ലയൺ, പയ്യൻസ്, സ്പാനിഷ് മസാല തുടങ്ങിയ ചിത്രങ്ങളുടെ നിർമാതാവാണ് നൗഷാദ്. ടിവി ഷോകളിലും അദ്ദേഹം തന്റെ സാന്നിധ്യം അറിയിച്ചിട്ടുണ്ട്.
Post Your Comments