ചെന്നൈ : മമ്മൂട്ടി നായകനാക്കി നിഥിന്‍ രണ്‍ജി പണിക്കർ സംവിധാനം ചെയ്ത് 2016 ൽ റിലീസ് ചെയ്ത ചിത്രമാണ് ‘കസബ’. ‘സിഐ രാജന്‍ സക്കറിയ’യായി മമ്മൂട്ടി എത്തിയ ചിത്രത്തില്‍ നേഹ സക്സേന, ജഗദീഷ്, സംപത്ത്, വരലക്ഷ്‍മി ശരത്കുമാര്‍, സിദ്ദിഖ്, അലന്‍സിയര്‍ തുടങ്ങിയ താരനിരയും അണിനിരന്നിരുന്നു. ഇപ്പോഴിതാ സിനിമയുടെ തമിഴ് മൊഴിമാറ്റ പതിപ്പ് തിയറ്റര്‍ റിലീസിന് ഒരുങ്ങുന്നുവെന്ന റിപ്പോർട്ടാണ് പുറത്തു വരുന്നത്.
‘സര്‍ക്കിള്‍’ എന്ന പേരിലാണ് ചിത്രത്തിന്‍റെ തമിഴ് ഡബ്ബിംഗ് പതിപ്പ് തിയറ്ററുകളിലേക്ക് എത്തുന്നത്. സെപ്റ്റംബര്‍ 3 ആണ് റിലീസ് തീയതി. ട്രെയ്‍ലര്‍ നേരത്തെ പുറത്തെത്തിയിരുന്നു. എ ടി കെ പിക്ചേഴ്സ് ആണ് ചിത്രത്തിന്‍റെ മൊഴിമാറ്റ പതിപ്പ് അവതരിപ്പിക്കുന്നത്. തമിഴ് തായ് കലൈകൂട്ടമാണ് വിതരണം ചെയ്യുന്നത്. തമിഴ്നാട്ടില്‍ തിയറ്ററുകള്‍ തുറന്നുപ്രവര്‍ത്തിക്കാനുള്ള സര്‍ക്കാര്‍ അനുമതിക്കു പിന്നാലെയാണ് ചിത്രം റിലീസ് ചെയ്യാനുള്ള തീരുമാനം വന്നിരിക്കുന്നത്.
Post Your Comments