ലോകേഷ് കനകരാജ് കമല്‍ ഹാസൻ, വിജയ് സേതുപതി, ഫഹദ് ഫാസിൽ എന്നിവരെ കേന്ദ്രകഥാപാത്രങ്ങളാക്കി സംവിധാനം ചെയ്യുന്ന ബിഗ് ബജറ്റ് ചിത്രമാണ് ‘വിക്രം’. ഫഹദിനെ കൂടാതെ ചിത്രത്തിൽ മലയാളി താരങ്ങളായ കാളിദാസ് ജയറാമും, നരെയ്‌നും എത്തുന്നുണ്ട്. ഇപ്പോഴിതാ കമലിനൊപ്പം അഭിനയിക്കാൻ കഴിഞ്ഞതിന്റെ സന്തോഷം പങ്കുവെയ്ക്കുകയാണ് നരെയ്ൻ.
ഒരു ഫാന്‍ ബോയ്‍യുടെ സ്വപ്‍നം യാഥാര്‍ഥ്യമായതുപോലെ എന്നാണ് കമലിനൊപ്പം നില്‍ക്കുന്ന ചിത്രം പങ്കുവച്ചുകൊണ്ട് നരെയ്‍ന്‍ സോഷ്യല്‍ മീഡിയയില്‍ കുറിച്ചത്.
‘ഒരു ഫാന്‍ ബോയ്‍യുടെ സ്വപ്‍നം സത്യമാവുന്ന നിമിഷം, ഒരു നടനാവാന്‍ അവനെ പ്രചോദിപ്പിച്ച ഇതിഹാസത്തിനൊപ്പം തിരശ്ശീല പങ്കിടുന്ന നിമിഷം. കമല്‍ ഹാസനൊപ്പം വിക്രത്തില്‍. നന്ദി പ്രിയ ലോകേഷ്, രാജ്‍കമല്‍ ഫിലിംസ് ഇന്‍റര്‍നാഷണല്‍’, നരെയ്‍ന്‍ കുറിച്ചു. നരെയ്‍ന്‍റെ ട്വീറ്റ് റീട്വീറ്റ് ചെയ്‍തുകൊണ്ട് കമല്‍ഹാസനും ലോകേഷും അദ്ദേഹത്തെ വിക്രത്തിലേക്ക് സ്വാഗതം ചെയ്‍തിട്ടുണ്ട്.
It's been long overdue. Welcome on board @itsNarain.@Dir_Lokesh@RKFI #Vikram https://t.co/5kIp3gmV8p
— Kamal Haasan (@ikamalhaasan) August 24, 2021
ലോകേഷ് കനകരാജിന്റെ ‘കൈതി’യില്‍ ‘ഇന്‍സ്‍പെക്ടര്‍ ബിജോയ്’ എന്ന പ്രാധാന്യമുള്ള കഥാപാത്രത്തെ നരെയ്‍ന്‍ അവതരിപ്പിച്ചിരുന്നു.’മാസ്റ്ററി’നു ശേഷം ലോകേഷ് സംവിധാനം ചെയ്യുന്ന ചിത്രമാണിത്. കമല്‍ ഹാസന്‍റെ കഴിഞ്ഞ പിറന്നാള്‍ ദിനത്തിലായിരുന്നു ടൈറ്റില്‍ പ്രഖ്യാപനം.
ഗിരീഷ് ഗംഗാധരനാണ് ഛായാഗ്രാഹകന്‍. രാജ്‍കമല്‍ ഫിലിംസ് ഇന്‍റര്‍നാഷണലിന്‍റെ ബാനറില്‍ കമല്‍ഹാസന്‍ തന്നെയാണ് വിക്രത്തിന്‍റെ നിര്‍മ്മാണം. സംഗീതം അനിരുദ്ധ്. എഡിറ്റിംഗ് ഫിലോമിന്‍ രാജ്. സംഘട്ടന സംവിധാനം അന്‍പറിവ്. നൃത്തസംവിധാനം ദിനേശ്. പിആര്‍ഒ ഡയമണ്ട് ബാബു. ശബ്ദ സങ്കലനം കണ്ണന്‍ ഗണ്‍പത്. 2022ല്‍ തിയറ്ററുകളിലെത്തിക്കാനാണ് പദ്ധതി.
Post Your Comments