ഔട്ട് ഓഫ് ഫോക്കസ്, ഡോ. പേഷ്യൻ്റ്, അപ്പവും വീഞ്ഞും എന്നീ ചിത്രങ്ങൾക്കു ശേഷം വിശ്വം സംവിധാനം ചെയ്യുന്ന ചിത്രമാണ് ‘പാതാളക്കരണ്ടി’. നടനും ഡബ്ബിംഗ്‌ ആർട്ടിസ്റ്റുമായ സുനിൽ പണിക്കരാണ് ചിത്രം നിർമ്മിക്കുന്നത്.
പാലക്കാടൻ ഗ്രാമത്തിൻ്റെ പശ്ചാത്തലത്തിലൂടെ ഒരു തികഞ്ഞ കുടുംബകഥ ഏറെ രസകരമായി പറയുകയാണ് ഈ ചിത്രത്തിലൂടെ. മുഴുക്കുടിയനായ ഭർത്താവും രണ്ടു കൊച്ചു പെൺകുട്ടികളുമായി കഴിയുന്ന ഒരു സ്ത്രീയെ കേന്ദ്രീകരിച്ചു കൊണ്ടാണ് ഈ ചിത്രത്തിൻ്റെ കഥാവികസനം.
ഇവരുടെ വീടിൻ്റെ സമീപത്ത് കിണർ പണിയാനെത്തുന്ന നാലു പേർ. കിണർ പണിക്കിടയിൽ അരങ്ങേറുന്ന രസകരമായ സംഭവങ്ങളാണ് ഈ ചിത്രം പറയുന്നത്.
അഭിരാമിയാണ് ചിത്രത്തിലെ കേന്ദ്രകഥാപാത്രത്തെ അവതരിപ്പിക്കുന്നത്. ഇന്ദ്രൻസ്, ജാഫർ ഇടുക്കി, ബിനോയ് നമ്പാലാ സുനിൽ പണിക്കർ, ബേബി അൽ മിത്ര, എന്നിവരും പ്രധാന കഥാപാത്രങ്ങളെ അവതരിപ്പിക്കുന്നു. ഇവർക്കൊപ്പം മലയാളത്തിലെ ഒരു പ്രമുഖ നടനും പ്രധാന വേഷത്തിലെത്തുന്നു.
സംഗീതം സുനിൽ കുമാർ പി.കെ, സിനു സിദ്ധാർത്ഥാണ് ഛായാഗ്രാഹകൻ. മേക്കപ്പ് അനിൽ നേമം. കോസ്റ്റ്യം -ഡിസൈൻ ഇന്ദ്രൻസ് ജയൻ. പ്രൊഡക്ഷൻ കൺട്രോളർ ഷാജ ഒലവക്കോട്. ഒക്ടോബർ ഏഴിന് ചിത്രീകരണം ആരംഭിക്കും.
Post Your Comments