അഭിനയിച്ചതിൽ ഏറ്റവു സങ്കീർണമായ കഥാപാത്രമായിരുന്നു അത്: റോഷൻ മാത്യു

ആനന്ദം എന്ന സിനിമയിലൂടെ അഭിനയ രംഗത്തേക്ക് എത്തിയ നടനാണ് റോഷൻ മാത്യു. വൈകാരികമായ അഭിനയ നിമിഷങ്ങള്‍ കൊണ്ട് പ്രേക്ഷകരുടെ മാത്രമല്ല ഇന്ത്യയിലെ തന്നെ മികച്ച സംവിധായകരുടെയും താരങ്ങളുടെയും ശ്രദ്ധയാണ് റോഷന്‍ പിടിച്ച് പറ്റിയത്. അതുകൊണ്ടു തന്നെ ചുരുങ്ങിയ സമയത്തിനുള്ളിൽ റോഷൻ വിവിധ ഭാഷകളിലുള്ള സിനിമകളുടെ ഭാഗമായി മാറിയിരിക്കുകയാണ്. അനുരാഗ് കശ്യപ് ചിത്രത്തിലൂടെ ബോളിവുഡിലും അരങ്ങേറ്റം കുറിച്ച താരം ഇപ്പോൾ ആലിയ ഭട്ട് ചിത്രമായ ഡാര്‍ളിങ്ങിലും പ്രധാന കഥാപാത്രത്തെ അവതരിപ്പിച്ചു. ഇപ്പോഴിതാ താൻ അഭിനയിച്ചതില്‍ ഏറ്റവു സങ്കീര്‍ണമായ കഥാപാത്രമായിരുന്നു കുരുതിയിലേത് എന്ന് പറയുകയാണ് റോഷൻ. സോഷ്യൽ മീഡിയയിലൂടെയാണ് കുരുതി സിനിമയെ കുറിച്ചും, അതിലേക്ക് അവസരം തന്ന പൃഥ്വിരാജിനും റോഷൻ നന്ദി അറിയിച്ചുകൊണ്ടുള്ള കുറിപ്പ് പങ്കുവെച്ചത്.

‘ഏറ്റവും സങ്കീർണ്ണമായ കഥാപാത്രമാണ് സിനിമയിലെ ഇബ്രാഹിം. എനിക്ക് അഭിനയിക്കാൻ കഴിഞ്ഞതിനേക്കാൾ കൂടുതൽ അവനുണ്ട്. സാധ്യമായത് ചെയ്‍തുവെന്നും തനിക്ക് വേണ്ടി എഴുതിയതിന് നന്ദിയെന്ന് അനീഷിനൊടും റോഷൻ മാത്യു പറയുന്നു’. തന്നെ വിശ്വസിച്ച പൃഥ്വിരാജിനും റോഷൻ മാത്യു നന്ദി പറയുന്നു.

https://www.instagram.com/p/CSo7OTGh9zJ/?utm_source=ig_embed&ig_rid=7f338046-cfa8-428f-9c25-9aaa38b38702

പൃഥ്വിരാജും റോഷനും കേന്ദ്ര കഥാപാത്രങ്ങളായെത്തിയ കുരുതി ആമസോൺ പ്രൈമിലൂടെ ഓഗസ്റ്റ് 11നാണ് പ്രദർശനത്തിനെത്തിയത്. മനു വാര്യര്‍ ആണ് കുരുതി സിനിമ സംവിധാനം ചെയ്തത്. സുപ്രിയ പൃഥ്വിരാജ് ആണ് ചിത്രം നിര്‍മിച്ചത്.