ദൃശ്യം 2ന് ശേഷം മോഹന്‍ലാലിനെ കേന്ദ്ര കഥാപാത്രമാക്കി ജീത്തു ജോസഫ് സംവിധാനം ചെയ്യുന്ന ചിത്രമാണ് 12th മാൻ. പ്രേക്ഷകർ ഏറെ പ്രതീക്ഷയോടെ കാത്തിരിക്കുന്ന സിനിമയുടെ ചിത്രീകരണം ആരംഭിച്ചു. കഴിഞ്ഞ ദിവസം സിനിമയിലെ അഭിനേതാക്കളുടെ പേരുകൾ അണിയറക്കാർ പുറത്തു വിട്ടിരുന്നു.
സൈജു കുറുപ്പ്, ഉണ്ണി മുകുന്ദന്‍, അനു മോഹന്‍, ചന്ദു നാഥ്, രാഹുല്‍ മാധവ്, നന്ദു, അനുശ്രി, അതിഥി രവി, ശിവദ, ലിയോണ ലിഷോയ്, നമിതാ പ്രമോദ്, പ്രിയങ്ക നായര്‍ എന്നിവരാണ് ചിത്രത്തിലെത്തുന്നത്.
നിലവില്‍ മോഹന്‍ലാല്‍ ബ്രോ ഡാഡിയുടെ ഷൂട്ടിങ്ങിനായി ഹൈദരാബാദിലാണ്. ബ്രോ ഡാഡിയുടെ ഷെഡ്യൂള്‍ പൂര്‍ത്തിയായല്‍ ഉടന്‍ മോഹന്‍ലാല്‍ 12th മാനിൽ ജോയിൻ ചെയ്യുന്നതായിരിക്കുമെന്നാണ് റിപ്പോർട്ട്. എറണാകുളം ഇടുക്കി എന്നിവടങ്ങളിലായാണ് ചിത്രീകരണം നടക്കുക.
കെ കൃഷ്ണ കുമാറാണ് ചിത്രത്തിന്റെ തിരക്കഥ നിര്‍വ്വഹിച്ചിരിക്കുന്നത്. ആശിര്‍വാദ് സിനിമാസിന്റെ ബാനറില്‍ ആന്റണി പെരുമ്പാവൂരാണ് ചിത്രം നിര്‍മ്മിക്കുന്നത്.
Post Your Comments