തമിഴ് നടൻ ആനന്ദ കണ്ണൻ അന്തരിച്ചു

ചെന്നൈ: തമിഴ് നടനും അവതാരകനുമായ ആനന്ദ കണ്ണൻ (48 ) അന്തരിച്ചു. അർബുദം ബാധിച്ച് ഏറെനാളായി ചികിത്സയിലായിരുന്നു. 90കളിൽ അവതാരകനായി തുടക്കം കുറിച്ച ആനന്ദ വിദേശത്തടക്കം നിരവധി പരിപാടികൾ അവതരിപ്പിച്ചു. സിംഗപ്പൂർ വസന്തം ടിവിയിലായിരുന്നു തുടക്കം. പിന്നീട് ചെറിയ വേഷങ്ങളിലൂടെ സിനിമയിലേക്കും എത്തി.

തമിഴ് ശാസ്ത്ര ഫാന്റസി ചിത്രമായ ‘ആദിശയ ഉലകം’ പോലുള്ള സിനിമകളിൽ പ്രവർത്തിച്ചു. വെങ്കട്ട് പ്രഭുവിന്റെ സരോജത്തിൽ അതിഥി വേഷത്തിലും എത്തിയിരുന്നു.