പ്രേഷകരുടെ പ്രിയപ്പെട്ട താരങ്ങളാണ് ദിലീപും നാദിര്‍ഷയും. ഇരുവരും അടുത്ത സുഹൃത്തുക്കളാണ്. മിമിക്രിയിലൂടെ ബിഗ് സ്‌ക്രീനിൽ എത്തിയ ഇരുവരും പിന്നീട് സിനിമയിൽ സജീവമാകുകയായിരുന്നു. ദിലീപ് നടനായി മാറിയപ്പോൾ നാദിർഷ ഗായകനായും സംവിധായകനായും തിളങ്ങി. ഇപ്പോൾ ഇരുവരും ഒന്നിച്ചുള്ള സിനിമ അണിയറയിൽ ഒരുങ്ങുന്നു. ഇപ്പോഴിതാ നാദിർഷ പങ്കുവെച്ച ഒരു മനോഹര ചിത്രമാണ് സോഷ്യൽ മീഡിയയിൽ വൈറലാകുന്നത്. നാദിർഷയുടെ ഉമ്മയ്‌ക്കൊപ്പം ദിലീപ് നിൽക്കുന്ന ചിത്രമാണ് അദ്ദേഹം പങ്കുവെച്ചത്. എന്റെ ഉമ്മ, ദിലീപിന്റെയും’ എന്ന ക്യാപ്ഷനിലാണ് നാദിർഷ ചിത്രം പങ്കിട്ടത്.
ദിലീപ്- നാദിര്‍ഷ കൂട്ടുകെട്ടിലൊരുങ്ങുന്ന ‘കേശു ഈ വീടിന്‍റെ നാഥൻ’ എന്ന സിനിമയുടെ പൂജയും സ്വിച്ച് ഓൺ കർമ്മവും നാദിർഷായുടെ ഉമ്മ ആയിഷ ബീവി ആണ് നിർവ്വഹിച്ചത്. ദിലീപിനെ നായകനാക്കി നാദിര്‍ഷ സംവിധാനം ചെയ്യുന്ന ആദ്യ ചിത്രമാണിത്.
ഉര്‍വശിയാണ് ചിത്രത്തിലെ ദിലീപിന്റെ നായിക പ്രായമുള്ള കഥാപാത്രമായാണ് ദിലീപ് ചിത്രത്തിലെത്തുന്നതെന്നും സൂചനയുണ്ട്. അമര്‍ അക്ബ‍ർ അന്തോണി, കട്ടപ്പനയിലെ ഋത്വിക് റോഷൻ, മേരാ നാം ഷാജി, തുടങ്ങിയവയാണ് നാദിര്‍ഷ സംവിധാനം ചെയ്ത സിനിമകള്‍.
Post Your Comments