ഇറ ശരവണൻ സംവിധാനം ചെയ്യുന്ന ചിത്രത്തിൽ നടനും സംവിധായകനുമായ ശശി കുമാറും നടി ജ്യോതികയും പ്രധാന കഥാപാത്രങ്ങളെ അവതരിപ്പിക്കുന്നു. ‘ഉടൻപിറപ്പേ’ എന്ന് പേരിട്ടിരിക്കുന്ന ചിത്രം സൂര്യയും ജ്യോതികയും ചേര്‍ന്ന് 2 ഡി എന്റര്‍ടെയിന്‍മെന്റിന്റെ ബാനറിലാണ് നിർമ്മിക്കുന്നത്. ചിത്രം ഒക്ടോബറിൽ ആമസോൺ പ്രൈമിലൂടെ പുറത്തിറങ്ങും.
അതേസമയം തനതായ ആലാപന ശൈലി കൊണ്ട് ആരാധകരെ സ്വന്തമാക്കിയ മലയാളി ഗായിക ആര്യ ദയാൽ ആദ്യമായി അരങ്ങേറ്റം കുറിക്കുന്ന സിനിമ കൂടിയാണ് ‘ഉടൻപിറപ്പേ’. ആര്യ തന്നെയാണ് സോഷ്യൽ മീഡിയയിലൂടെ ഇക്കാര്യം അറിയിച്ചത്. സംഗീത സംവിധായകൻ ഡി ഇമ്മൻ ഒരുക്കിയ മെലഡി ആലപിച്ചതായി ആര്യ ദയാൽ പറഞ്ഞു. ഇമ്മനും ആര്യയെ അവതരിപ്പിക്കാനായതിന്റെ സന്തോഷം പങ്കുവെച്ചിട്ടുണ്ട്.
Post Your Comments