ചിമ്പു ഗൗതം മേനോൻ കൂട്ടുകെട്ട് വീണ്ടും: പുതിയ സിനിമയുടെ പേര് പ്രഖ്യാപിച്ചു

ചെന്നൈ: വിണൈതാണ്ടി വരുവായ, അച്ചം എൻപത് മടമയ്യടാ എന്നീ ചിത്രങ്ങൾക്കു ശേഷം ചിമ്പു ഗൗതം മേനോൻ കൂട്ടുകെട്ടിൽ വീണ്ടും പുതിയ സിനിമ എത്തുന്നു. ‘വെന്ത് തനിന്തത് കാട്’ എന്ന് പേരിട്ടിരിക്കുന്ന സിനിമയുടെ ഫസ്റ്റ് ലുക്ക് റിലീസ് ചെയ്തു. ചിമ്പുവിന്റെ 47ാം ചിത്രമാണിത്.

കത്തിയെരിയുന്ന കാടിന്റെ പശ്ചാത്തലത്തിൽ, കയ്യിൽ ഒരു കമ്പും പിടിച്ചുനിൽക്കുന്ന ചിമ്പുവിനെയാണ് പോസ്റ്ററിൽ കാണാൻ കഴിയുന്നത്. വമ്പൻ മേക്കോവറിലാകും താരം ചിത്രത്തിൽ പ്രത്യക്ഷപ്പെടുക. എ.ആർ. റഹ്മാൻ ആണ് സംഗീതം.