ആറ് സിനിമകൾ മമ്മൂക്കയ്‌ക്കൊപ്പം: സന്തോഷം പങ്കുവെച്ച് കനിഹ

വെളളിത്തിരയിൽ അൻപത് വർഷം പൂർത്തിയാക്കിയ മെഗാസ്റ്റാർ മമ്മൂട്ടിക്ക് ആശംസകളുമായി നടി കനിഹ. ഇത്രയും വലിയ ഒരു നടനൊപ്പം 6 സിനിമകളിൽ അഭിനയിക്കാൻ കഴിഞ്ഞത് തന്നെ ഭാഗ്യമായി കരുതുന്നുവെന്ന് കനിഹ പറയുന്നു. നിങ്ങളില്‍ നിന്നും ഒരുപാട് പഠിക്കാനുണ്ട് ഇതിഹാസമേ, വിശ്വാസത്തോടെ ഏറ്റവും വലിയ മമ്മൂട്ടി ആരാധിക എന്ന് കനിഹ തന്റെ ഇൻസ്റ്റാഗ്രാമിൽ കുറിച്ചു.

മമ്മൂട്ടിയ്‌ക്കൊപ്പം അഭിനയിച്ച സിനിമകളുടെ ഫോട്ടോ ഉള്‍പ്പെടുത്തിയ കൊളാഷിനൊപ്പമാണ് കനിഹയുടെ ഇന്‍സ്റ്റഗ്രാം പോസ്റ്റ്. കേരള വര്‍മ്മ പഴശ്ശിരാജ, ദ്രോണ, ബാവൂട്ടിയുടെ നാമത്തില്‍, കോബ്ര, അബ്രഹാമിന്റെ സന്തതികള്‍, മാമാങ്കം, തുടങ്ങിയ ചിത്രങ്ങളിലാണ് കനിഹ മമ്മൂട്ടിയ്‌ക്കൊപ്പം അഭിനയിച്ചത്.

‘തുടര്‍ച്ചയായി ആറ് സിനിമകളില്‍ മമ്മൂക്കയ്‌ക്കൊപ്പം അഭിനയിക്കാന്‍ അവസരം ലഭിച്ച ഞാന്‍ അനുഗ്രഹീതയാണെന്ന് സ്വയം കരുതുന്നു. എത്രമാത്രം മഹത്വവും കഴിവും ലോകപരിജ്ഞാനവും ചാരുതയും ഉള്ള ആളാണ് അദ്ദേഹം. പ്രിയപ്പെട്ട മമ്മൂക്ക, സിനിമാ ലോകത്ത് നിങ്ങള്‍ അത്ഭുതകരമായ അന്‍പത് വര്‍ഷം പൂര്‍ത്തിയാക്കുമ്പോള്‍ സന്തോഷവും ആരോഗ്യവും ആശംസിയ്ക്കുന്നു. നിങ്ങളില്‍ നിന്നും ഒരുപാട് പഠിക്കാനുണ്ട് ഇതിഹാസമേ. വിശ്വാസത്തോടെ, ഏറ്റവും വലിയ മമ്മൂട്ടി ആരാധിക കനിഹ’ എന്നായിരുന്നു കനിഹ എഴുതിയത്.

https://www.instagram.com/p/CSOsRlgplHl/?utm_source=ig_web_copy_link