മോഹൻലാലിനെ നായകനാക്കി പൃഥ്വിരാജ് സംവിധാനം ചെയ്യുന്ന ചിത്രമാണ് ‘ബ്രോ ഡാഡി’. ഇപ്പോഴിതാ സിനിമയുടെ ലൊക്കേഷനിൽ നിന്നുള്ള ചിത്രം പങ്കുവെച്ചിരിക്കുകയാണ് പൃഥ്വിരാജ്. സെറ്റില്‍ നിര്‍ദേശം നല്‍കുന്ന ഫോട്ടോയാണ് പൃഥ്വി പങ്കുവച്ചത്. രാജൂന്റെ തോളും ചെരിഞ്ഞു എന്നാണ് സംവിധായകൻ മിഥുന്‍ മാനുവല്‍ തോമസ് കമന്റ് ചെയ്തിരിക്കുന്നത്.
മോഹന്‍ലാലിന്റെ സ്വതസിദ്ധമായ തോള് ചെരിഞ്ഞ നടപ്പ് പൃഥ്വിയിലേക്ക് പകര്‍ന്നുവെന്ന ട്രോളാണ് മിഥുന്റെ കമന്റിലെ ഉള്ളടക്കം.
മോഹന്‍ലാലിനൊപ്പം പൃഥ്വിരാജും മുഴുനീള നായക കഥാപാത്രമാകുന്ന ചിത്രമാണ് ബ്രോ ഡാഡി. ഫണ്‍ ഡ്രാമയാണ് ചിത്രം. മീന, ലാലു അലക്‌സ്, മുരളി ഗോപി, സൗബിന്‍ ഷാഹിര്‍ എന്നിവര്‍ക്കൊപ്പം കല്യാണി പ്രിയദര്‍ശനും ഉണ്ണി മുകുന്ദനും ചിത്രത്തിലുണ്ട്. ആശിര്‍വാദ് സിനിമാസാണ് നിര്‍മ്മാണം.
Post Your Comments