കൊച്ചി: പൃഥ്വിരാജ് നായകനാവുന്ന ക്രൈം ത്രില്ലര്‍ ‘കുരുതി’യുടെ ട്രെയിലര്‍ പുറത്തിറങ്ങി. പൃഥ്വിരാജ് പ്രൊഡക്ഷന്‍സിന്റെ ബാനറില്‍ സുപ്രിയ മേനോന്‍ നിര്‍മിക്കുന്ന ചിത്രത്തിന്റെ സംവിധാനം നിര്‍വഹിക്കുന്നത് മനു വാര്യര്‍ ആണ്. ഓഗസ്റ്റ് 11ന് ഒ ടിടി പ്ലാറ്റ്‌ഫോമായാ ആമസോണ്‍ പ്രൈമിലൂടെയാണ് ചിത്രം റിലീസ് ചെയ്യുന്നത്.
അനിഷ് പള്ളിയാലിൽ രചന നിർവ്വഹിച്ച കുരുതിയിൽ പൃഥ്വിരാജിനെ കൂടാതെ മുരളി ഗോപി, റോഷന്‍ മാത്യൂ, ഷൈന്‍ ടോം ചാക്കോ,മാമുക്കോയ, ശ്രിന്ദ, മണികണ്ഠന്‍ ആചാരി, നവാസ് വള്ളിക്കുന്ന് തുടങ്ങി വലിയ താരനിര തന്നെ അണിനിരക്കുന്നുണ്ട്. റഫീഖ് അഹമ്മദ് ഗാനരചന ഒരുക്കുന്ന ചിത്രത്തിന് സംഗീതം നൽകിയത് ജേക്‌സ് ബിജോയ് ആണ്. അഭിനന്ദന്‍ രാമാനുജം ചിത്രത്തിന്റെ ഛായാഗ്രഹണം നിര്‍വഹിക്കുന്നു.
ആനന്ദ് രാജേന്ദ്രന്‍ ആണ് ചിത്രത്തിന്റെ പോസ്റ്റര്‍ ഒരുക്കിയിരിക്കുന്നത്. അഖിലേഷ് മോഹന്‍ എഡിറ്റിംഗും ഗോകുല്‍ ദാസ് പ്രൊജക്റ്റ് ഡിസൈനും നിര്‍വഹിക്കുന്നു. കോസ്റ്റ്യൂം ഇര്‍ഷാദ് ചെറുകുന്ന്, മേക്കപ് അമല്‍, ലൈന്‍ പ്രൊഡ്യൂസര്‍ ഹാരിസ് ദേസം, സ്റ്റില്‍സ് സിനാറ്റ് സേവ്യര്‍, സൗണ്ട് എഡിറ്റ് ആന്‍ഡ് ഡിസൈന്‍ അരുണ്‍ വര്‍മ, ഓഡിയോഗ്രഫി രാജകൃഷ്ണന്‍ എന്നിവരാണ് മറ്റ് അണിയറ പ്രവർത്തകർ.
Post Your Comments