കോവിഡ് ആയതിനാൽ ഈ വർഷം ധ്യാനം ഇല്ല: ‘ദൃശ്യം’ ഓർമകളുമായി എസ്തർ അനിൽ

ദൃശ്യം എന്ന ചിത്രത്തിലൂടെ ശ്രദ്ധിക്കപ്പെട്ട താരമാണ് എസ്തർ അനിൽ. സിനിമയുടെ രണ്ടാം ഭാഗം ഇറങ്ങിയതോടെ എസ്തർ വീണ്ടും വാർത്തകളിൽ ഇടം പിടിച്ചു. സിനിമയുടെ തെലുങ്ക് പതിപ്പിലും എസ്തർ അഭിനയിച്ചിട്ടുണ്ട്. ഇപ്പോഴിതാ സിനിമയിലെ ഏറ്റവും പ്രസക്തമായ ഓഗസ്റ്റ് 2 എന്ന തീയതിയെ കുറിച്ചുള്ള ഓർമ്മകൾ പങ്കുവെയ്ക്കുകയാണ് താരം. സിനിമയിൽ ജോർജുകുട്ടിയും കുടുംബവും ധ്യാനത്തിന് പോയത് ഓഗസ്റ്റ് 2 നായിരുന്നു എന്നാണ് പറയുന്നത്. എന്നാൽ ഇത്തവണ ഓഗസ്റ്റ് രണ്ടിന് ജോർജുകുട്ടിയുടെയും കുടുംബത്തിന്റെയും ധ്യാനും മുടങ്ങും എന്ന് അനുമോൾ എന്ന എസ്തർ പറയുന്നു.

https://www.facebook.com/agnesestheranil/posts/383853099778871

‘കോവിഡ് ആയതിനാൽ ഈ വർഷം ധ്യാനം ഇല്ല പോലും…’. ദൃശ്യം സിനിമയുമായി ബന്ധപ്പെട്ട ട്രോൾ പങ്കുവച്ചായിരുന്നു എസ്തറിന്റെ പ്രതികരണം. ഡിസംബർ 19, 2013ലാണ് ദൃശ്യം റിലീസിനെത്തുന്നത്. ചിത്രം പുറത്തിറങ്ങി എട്ട് വർഷം പിന്നിടുമ്പോഴും ഒരു ദിവസത്തിന്റെ പേരിലും ഈ ചിത്രം ചർച്ചയാകുകയാണ്.