ഇന്ത്യൻ മിനിസ്ക്രീൻ പ്രേക്ഷകരുടെ പ്രിയപ്പെട്ട റിയാലിറ്റി ഷോയാണ് ബിഗ് ബോസ്. ഹിന്ദിയിൽ ആരംഭിച്ച ഷോ 2018 ലാണ് മലയാളത്തിൽ തുടങ്ങുന്നത്. മോഹൻലാൽ അവതാരകനായി എത്തിയ ഷോ വലിയ വിജയമായിരുന്നു. 2020 സീസൺ രണ്ടും2021 ൽ മൂന്നാം സീസണും ആരംഭിക്കുകയായിരുന്നു. കഴിഞ്ഞ ദിവസമായിരുന്നു ബിഗ്‌ബോസ് ‘സീസൺ 3 ‘ യുടെ വിജയിയെ പ്രഖ്യാപിച്ചത്. ഇപ്പോഴിതാ ബിഗ്‌ബോസ് അവസാനിക്കുന്നില്ലെന്നും സീസൺ 4 ഉടനെ തുടങ്ങുമെന്നും അറിയിച്ചിരിക്കുകയാണ് മോഹൻലാൽ.
ഇന്നലെ നടന്ന ഗ്രാൻഡ് ഫിനാലെയിൽ വെച്ചാണ് മോഹൻലാൽ സീസൺ ഫോറിന്റെ പ്രഖ്യാപനം നടത്തിയത്. ഇനി അടുത്ത സീസണിനായുള്ള കാത്തിരിപ്പിന്‍റെ ദിവസങ്ങള്‍ എന്നാണ് അദ്ദേഹം പറഞ്ഞത്.
‘ആളൊഴിഞ്ഞ ബിഗ് ബോസ് വീട്. ഇനിയൊരു കാത്തിരിപ്പാണ്. ഇനിയീ വീട്ടില്‍ ഈ ചുവരുകള്‍ക്കുള്ളില്‍ സന്തോഷവും സങ്കടവും പ്രണയവും അടിപിടി, കുശുമ്പ്, കലഹം എല്ലാം വന്നു നിറയുന്നതു വരെ. അതുവരെ നമുക്ക് കാത്തിരിക്കാം. നമുക്ക് കാണാം, കാണണം. ബിഗ് ബോസ് സീസണ്‍ 4’ – മോഹൻലാൽ പറഞ്ഞു.
Post Your Comments