മുകേഷ് നല്ലൊരു ഭർത്താവല്ല, തിരഞ്ഞെടുപ്പ് കഴിയാനാണ് ഇത്രയും നാൾ കാത്തിരുന്നത് : മേതിൽ ദേവിക

കൊല്ലം എംഎല്‍എയും നടനുമായ മുകേഷും നര്‍ത്തകി മേതില്‍ ദേവികയും തമ്മിൽ വേർപിരിയുന്നുവെന്ന വാർത്തകളാണ് സോഷ്യൽ മീഡിയയിൽ ഉൾപ്പടെ ചർച്ചയായിക്കൊണ്ടിരിക്കുന്നത്. ഇപ്പോഴിതാ വിവാഹബന്ധം വേര്‍പെടുത്താനുള്ള കാരണം വെളിപ്പെടുത്തുകയാണ് മേതില്‍ ദേവിക. മനോരമയ്ക്ക് നൽകിയ അഭിമുഖത്തിലാണ് ദേവിക ഇക്കാര്യം തുറന്നു പറഞ്ഞത്. ജീവിതത്തില്‍ അദ്ദേഹം നല്ല ഭര്‍ത്താവായിരുന്നില്ലെന്നും, കുടുംബജീവിതം നല്ല രീതിയില്‍ കൊണ്ടുപോകാനായില്ല എന്നും ദേവിക പറഞ്ഞു. തിരഞ്ഞെടുപ്പ് കഴിയാൻ വേണ്ടിയാണ് ഇത്രയും നാൾ കാത്തിരുന്നത് എന്നും ദേവിക കൂട്ടിച്ചേർത്തു.

മേതിൽ ദേവികയുടെ വാക്കുകൾ:

മുകേഷിനോട് തനിക്ക് ഒരു വ്യക്തിവൈരാഗ്യവുമില്ല. രാഷ്ട്രീയത്തിലേക്ക് ഇറങ്ങുമ്പോള്‍ തന്നെ അതിന്‍റെ വരുംവരായ്കകള്‍ അദ്ദേഹം തന്നെ അനുഭവിക്കണം എന്ന് പറഞ്ഞിരുന്നു. ഞാന്‍ മനസ്സിലാക്കിയടത്തോളം അദ്ദേഹം നല്ല മനുഷ്യനാണ്. സ്നേഹിക്കാനൊക്കെ അറിയാവുന്ന മനുഷ്യനാണ്. രാഷ്ട്രീയത്തിലെ വിവാദങ്ങളെല്ലാം അദ്ദേഹം തന്നെ വരുത്തിവച്ചതാണ്. അത് തിരുത്താനൊന്നും അദ്ദേഹം തയാറല്ല.

ജീവിതത്തില്‍ അദ്ദേഹം നല്ല ഭര്‍ത്താവായിരുന്നില്ല. കുടുംബജീവിതം നല്ല രീതിയില്‍ കൊണ്ടുപോകാനായില്ല. എട്ടുവര്‍ഷം ഒരുമിച്ച് ജീവിച്ചിട്ടും അദ്ദേഹത്തെ എനിക്ക് മനസ്സിലാക്കാന്‍ പറ്റിയില്ല. ഇനി മനസ്സിലാക്കാന്‍ പറ്റുമെന്നും തോന്നുന്നില്ല. അതുകൊണ്ടാണ് ഈ തീരുമാനം– അവര്‍ പറഞ്ഞു. രണ്ട് പേരുടെ ആശയങ്ങള്‍ തമ്മില്‍ യോജിച്ച് പോകുന്ന സാഹചര്യമല്ല എന്ന് തോന്നിയതിനാലാണ് മുകേഷുമായുള്ള വിവാഹബന്ധം പിരിയുന്നതെന്നും മേതില്‍ ദേവിക. അതുകൊണ്ട് തിരഞ്ഞെടുപ്പ് കഴിഞ്ഞ ഉടനെ വക്കീല്‍ നോട്ടീസയച്ചു. എറണാകുളത്ത അഭിഭാഷകന്‍ വഴിയാണ് നോട്ടീസ് അയച്ചത്. കല്ല്യാണം നടന്നതും അവിടെവച്ചാണ്. ഒന്നും വാങ്ങിയെടുക്കാനല്ല ഇത്. അങ്ങനെ ഒരു ഉദ്ദേശവുമില്ല. ഇനി നാളെ വേര്‍പിരിഞ്ഞാലും നല്ല സുഹൃത്തായി തുടരും– മേതിൽ ദേവിക പറഞ്ഞു.