ചെങ്കൽച്ചൂളയിലെ ട്രിബ്യുട്ട് ഡാൻസ്: കുട്ടികൾക്ക് ആശംസ അറിയിച്ച് സൂര്യ

നടൻ സൂര്യയുടെ പിറന്നാൾ ദിനത്തിൽ തിരുവനന്തപുരത്തെ ചെങ്കൽചൂളയിൽ നിന്നുള്ള കുട്ടികൾ ഒരുക്കിയ ട്രിബ്യുട്ട് ഡാൻസ് വീഡിയോ സോഷ്യൽ മീഡിയയിൽ വൈറലായി മാറിയിരുന്നു. ഇപ്പോഴിതാ വീഡിയോ ശ്രദ്ധയിൽപ്പെട്ട സൂര്യ തന്റെ ട്വിറ്റർ പേജിലൂടെ ഈ വീഡിയോ പങ്കുവെച്ചിരിക്കുകയാണ്. തനിക്ക് വീഡിയോ ഇഷ്ടമായെന്നാണ് സൂര്യ ട്വിറ്ററിലൂടെ അറിയിച്ചിരിക്കുന്നത്.

Loved it !!! ?????? https://t.co/qt3zqUtlCI

— Suriya Sivakumar (@Suriya_offl) July 25, 2021

അയന്‍ എന്ന സൂര്യയുടെ സിനിമയിലെ ഗാനമാണ് ചെങ്കൽചൂളയിലെ ആരാധകർ പുനർസൃഷ്ടിച്ചത്. മൊബൈൽ ഫോണിൽ ചിത്രീകരിച്ച വീഡിയോയ്ക്ക് മികച്ച പ്രതികരണമാണ് ലഭിക്കുന്നത്.

സൂര്യയെ നായകനാക്കി കെ.വി. ആനന്ദ് സംവിധാനം ചെയ്ത ചിത്രമായിരുന്നു അയന്‍. 2009ൽ പുറത്തിറങ്ങിയ ചിത്രത്തിന്റെ തിരക്കഥയും കെ.വി. ആനന്ദ് ആയിരുന്നു.