സിനിമ കരിയറായി തെരഞ്ഞെടുത്തപ്പോള്‍ തന്റെ അച്ഛന്‍ നല്‍കിയ ഉപദേശങ്ങളെക്കുറിച്ച് തുറന്നു പറയുകയാണ് നടി അഹാന കൃഷ്ണ. കൂടാതെ അച്ഛന്‍ പറഞ്ഞു തന്ന ഒരു ഉപദേശം താന്‍ ഇതുവരെയും ചെവി കൊണ്ടിട്ടില്ലെന്നും അഹാന ഒരു എഫ്എം ചാനലിനു നല്‍കിയ അഭിമുഖത്തില്‍ സംസാരിക്കവേ വ്യക്തമാക്കുന്നു.
‘ഞാന്‍ സിനിമയില്‍ വരുമ്പോള്‍ അച്ഛന്‍ കുറേയധികം നല്ല ഉപദേശങ്ങള്‍ നല്‍കിയിട്ടുണ്ട്. ലൊക്കേഷനില്‍ ആരെയും വില കുറച്ചു കാണരുത്. ലൈറ്റ് ബോയ്‌ മുതല്‍ ചായ കൊണ്ടുവരുന്നവരോട് വരെ നന്നായി പെരുമാറണം. എല്ലാവരും ഈക്വലാണ് എന്ന ചിന്ത എപ്പോഴും ഉണ്ടായിരിക്കണം എന്നൊക്കെ അച്ഛന്‍ ഉപദേശിക്കാറുണ്ട്. നമ്മള്‍ ഏതു മേഖലയിലായാലും മുകളിലേക്ക് പോകുന്ന അതെ മുഖങ്ങള്‍ തന്നെയാണ് താഴേക്ക് വരുമ്പോഴും കാണുന്നത്, അത് കൊണ്ട് ആരെയും ചെറുതായി കാണരുത്. സിനിമ ജീവിതമല്ല ജീവിതത്തിന്റെ ഒരു ഭാഗമാണ് എന്നും പറഞ്ഞു തരാറുണ്ട്. ഇതൊക്കെ ഞാന്‍ സ്വീകരിച്ച ഉപദേശങ്ങളാണ്. ഉറങ്ങുന്നതിനു ഒരു മണിക്കൂര്‍ മുന്‍പെങ്കിലും മൊബൈല്‍ ഫോണ്‍ ഓഫ് ചെയ്തു വയ്ക്കണം എന്ന് അച്ഛന്‍ പറഞ്ഞു തന്ന ഉപദേശം മാത്രം ഞാന്‍ സ്വീകരിച്ചിട്ടില്ല’. അഹാന പറയുന്നു.
Post Your Comments