മഹേഷ് നാരായണൻ സംവിധാനം ചെയ്ത മാലിക്കിന് സമ്മിശ്ര പ്രതികരണമായിരുന്നു ലഭിച്ചത്. ഫഹദ് ഫാസിലെ നായകനാക്കി ചിത്രീകരിച്ച സിനിമയിൽ നിമിഷ സജയൻ ആണ് നായിക. മാലിക് എന്ന ചിത്രം റിലീസ് ചെയ്തതിന് ശേഷം ലൊക്കേഷനില്‍ വെച്ചുണ്ടായ രസകരമായ ഒരു സംഭവത്തിന്റെ വീഡിയോ പങ്കുവെച്ചിരിക്കുകയാണ് നടൻ വിനയ് ഫോർട്ട്.
ചിത്രത്തില്‍ ഡേവിഡ് എന്ന കഥാപാത്രത്തെ അവതരിപ്പിച്ച താരത്തിന്റെ വീഡിയോ ആരാധകർ ഏറ്റെടുത്ത് കഴിഞ്ഞു. ഡേവിഡിന്റെയും റോസ്ലിന്റെയും അപ്പനായി അഭിനയിച്ച നടനും നിമിഷ സജയനും തമ്മിലുള്ള വീഡിയോയാണ് പങ്കുവെച്ചത്. ഡേവിഡിന്റെ അപ്പനെ നിമിഷ ഇടിക്കുന്നത് വീഡിയോയില്‍ കാണാം. ‘എന്റെ അപ്പനെ തല്ലിതരിപ്പണമാക്കുന്ന പെങ്ങളുടെ മൃഗീയമായ സ്വഭാവ വൈകല്യം’ എന്നാണു നടൻ വീഡിയോയ്ക്ക് ക്യാപ്ഷ്യനായി നൽകിയിരിക്കുന്നത്.
നേരത്തേയും ലൊക്കേഷനില്‍ നിന്നുള്ള ഒരു വീഡിയോ വിനയ് പങ്കുവെച്ചിരുന്നു. ഡേവിഡിന്റെ കുടുംബം ഡാന്‍സ് കളിക്കുന്ന വീഡിയോയായിരുന്നു അത്. നിമിഷയെയും വിനയ്യെയും കൂടാതെ മാല പാര്‍വതിയും ചിത്രത്തില്‍ അപ്പന്‍ കഥാപാത്രത്തെ ചെയ്ത നടനും ഡാന്‍സ് വീഡിയോയിലുണ്ടായിരുന്നു.
Post Your Comments