ചെന്നൈ: പ്രേക്ഷകരുടെ പ്രിയതാരമായ തമിഴ് നടൻ സൂര്യയുടെ പുതിയ ചിത്രത്തിന്റെ ഫസ്റ്റ്ലുക്ക് പോസ്റ്റർ പുറത്ത്. ‘ജയ് ഭീം’ എന്ന് പേരിട്ടിരിക്കുന്ന ചിത്രത്തില്‍ വക്കീല്‍ വേഷത്തിലാണ് സൂര്യ അഭിനയിക്കുന്നത്. സൂര്യയുടെ പിറന്നാളിനോടനുബന്ധിച്ചായിരുന്നു ഫസ്റ്റ് ലുക്ക് പോസ്റ്ററിന്റെ റിലീസ്. ടി ജെ ജ്ഞാനവേല്‍ സംവിധാനം ചെയ്യുന്ന ചിത്രത്തിൽ മലയാളിയായ രജിഷ വിജയനാണ് നായികയായി അഭിനയിക്കുന്നത്.
ധനുഷ് നായകനായ കർണ്ണൻ എന്ന ഹിറ്റ് ചിത്രത്തിലൂടെയാണ് രജിഷ തമിഴിൽ അരങ്ങേറിയത്. ചിത്രത്തിൽ സൂര്യ രജീഷ എന്നിവരെക്കൂടാതെ പ്രകാശ് രാജ്, മലയാളിയായ ലിജോമോള്‍ ജോസ് എന്നിവരും പ്രധാനവേഷങ്ങളിലെത്തും. 2ഡി എന്‍റര്‍ടെയ്‍ന്‍മെന്‍റിന്‍റെ ബാനറില്‍ സൂര്യ തന്നെയാണ് ജയ് ഭീം നിര്‍മിക്കുന്നത്.
മണികണ്ഠനാണ് ജയ് ഭീമിന്റെ രചന നിർവഹിക്കുന്നത്. എസ്ആര്‍ കതിർ ഛായാഗ്രഹണവും ഫിലോമിന്‍ രാജ് എഡിറ്റിങ്ങും നിർവ്വഹിക്കും, അന്‍ബറിവ് ആക്ഷന്‍ കൊറിയോഗ്രഫി, പൂര്‍ണ്ണിമ രാമസ്വാമി വസ്ത്രാലങ്കാരവും നിർവഹിക്കുന്നു.
Post Your Comments