മുംബൈ: നീലച്ചിത്ര നിര്‍മാണവുമായി ബന്ധപ്പെട്ട് അറസ്റ്റിലായ വ്യവസായിയും നടി ശില്പ ഷെട്ടിയുടെ ഭര്‍ത്താവുമായ രാജ് കുന്ദ്രയ്‌ക്കെതിരെ ഗുരുതര ആരോപണവുമായി നടി സാഗരിക ഷോണ സുമന്‍. രാജ് കുന്ദ്രയും സംഘവും തന്നെയും ചൂഷണം ചെയ്യാന്‍ ശ്രമിച്ചുവെന്ന് നടി പറയുന്നു. ഓഡിഷനുമായി ബന്ധപ്പെട്ട് ഒരിക്കൽ വിളിച്ചപ്പോൾ തന്നോട് നഗ്ന വീഡിയോ അയക്കാനാണ് രാജ് കുന്ദ്ര ആവശ്യപ്പെട്ടതെന്ന് സാഗരിക പറയുന്നു. മാധ്യമങ്ങളോടാണ് നടി ഇക്കാര്യം തുറന്നു പറഞ്ഞത്.
‘ഓഡീഷന് നഗ്ന വീഡിയോ അയക്കാനാണ് കുന്ദ്ര ആവശ്യപ്പെട്ടത്. എന്നാല്‍ ഞാന്‍ വിസമ്മതിച്ചു. പിന്നീട് ഓഡിഷന് പോയില്ല. ഒരുപാട് ആളുകളുടെ ജീവിതം നശിപ്പിച്ചവരാണ് ഇവര്‍.’ സാഗരിക സുമന്‍ പറഞ്ഞു.
നേരത്തെ അശ്ലീലചിത്രരംഗത്തേക്ക് തങ്ങളെ എത്തിച്ചത് രാജ് കുന്ദ്രയാണെന്നാരോപിച്ച് ഷെർലിൻ ചോപ്ര, പൂനം പാണ്ഡെ എന്നീ നടിമാരും രംഗത്തെത്തിയിരുന്നു.
കഴിഞ്ഞ ദിവസമാണ് മുംബൈ പോലീസ് കുന്ദ്രയെ അറസ്റ്റ് ചെയ്തത്. നീലച്ചിത്രങ്ങളില്‍ നിര്‍മാണ രംഗത്ത് നിന്ന് രാജ് കുന്ദ്ര സമ്പാദിച്ചത് കോടികളാണെന്ന് വാർത്തകൾ പുറത്ത് വന്നിരുന്നു. രാജ് കുന്ദ്രയ്‌ക്കെതിരേ ശക്തമായ തെളിവുകളുണ്ടെന്ന് മുംബൈ പോലീസ് ക്രൈം ബ്രാഞ്ച് വ്യക്തമാക്കി. ജൂലൈ 23 വരെ കുന്ദ്ര ജുഡീഷ്യൽ കസ്റ്റഡിയിൽ തുടരും.
Post Your Comments