‘ബ്രോ ഡാഡി, ഇതാ ഞാൻ വരുന്നു’: മോഹൻലാലിനോടും പൃഥ്വിരാജിനോടും മീന

ലൂസിഫറിന് ശേഷം മോഹൻലാലിനെ കേന്ദ്രകഥാപാത്രമാക്കി പൃഥ്വിരാജ് സംവിധാനം ചെയ്യുന്ന ചിത്രമാണ് ‘ബ്രോ ഡാഡി’. ഹൈദരാബാദിൽ ഷൂട്ടിങ് പുരോഗമിക്കുന്ന ചിത്രത്തിന്റെ ഭാഗമാകാൻ എത്തിയിരിക്കുകയാണ് നടി മീന. ഇൻസ്റ്റഗ്രാമിലൂടെ മീന തന്നെയാണ് ഇക്കാര്യം അറിയിച്ചത്. ബ്രോ ഡാഡി ടീം ഞാൻ ഇതാ വരുന്നൂവെന്ന് പറഞ്ഞ് മോഹൻലാലിനെയും പൃഥ്വിരാജിനെയും ടാഗ് ചെയ്‍ത് ഇൻസ്റ്റാഗ്രാമില്‍ ഫോട്ടോയും മീന പങ്കുവെച്ചു.

കല്യാണി പ്രിയദര്‍ശനാണ് മറ്റൊരു നായികാ കഥാപാത്രം അവതരിപ്പിക്കുന്നത്. പൃഥ്വിരാജിന്റെ നായികയായിരിക്കും കല്യാണി എന്നാണ് റിപ്പോർട്ടുകൾ.

https://www.instagram.com/p/CRlVIGqMvRm/?utm_source=ig_embed&ig_rid=3ff2f837-226b-49a8-9add-47582f129b69

ശ്രീജിത്ത് എനും ബിബിൻ ജോര്‍ജുമാണ് ചിത്രത്തിന്റെ തിരക്കഥയെഴുതുന്നത്. അഭിനന്ദൻ രാമാനുജം ആണ് ചിത്രത്തിന്റെ ഛായഗ്രാഹകൻ. ദീപക് ദേവ് സംഗീത സംവിധാനം നിര്‍വഹിക്കുന്നു. സിദ്ധു പനയ്‍ക്കല്‍ ആണ് പ്രൊഡക്ഷൻ കണ്‍ട്രോളര്‍. എം ആര്‍ രാജകൃഷ്‍ണനാണ് ഓഡിയോഗ്രാഫി.