കേരളത്തിൽ സിനിമ ഷൂട്ടിങ് പെർമിഷൻ അനുവദിച്ച ദിവസം തന്നെ വിരുന്നിന്റെ ചിത്രീകരണം ആരംഭിച്ചിരുന്നൂ. എന്നൽ പ്രൊഡ്യൂസേഴ്സ് അസോസിയേഷനും ഫെഫ്കയുടെയും തീരുമാനത്തെ തുടർന്ന് സിനിമ ഷൂട്ടിംഗ് നിർത്തി വെക്കുകയായിരുന്നു. ഇപ്പോഴിതാ, ഈ രണ്ടു സംഘടനകളുടെയും കർശന നിർദ്ദേശം പാലിച്ചുകൊണ്ട് ഇന്നലെ രാത്രിയിൽ ചിത്രീകരണം വീണ്ടും തുടങ്ങുകയാണ് എന്ന് കണ്ണൻ താമരകുളം പറഞ്ഞു. മലയാളം തമിഴ് സിനിമയായ വിരുന്നിൽ ആക്ഷൻ കിംഗ് അർജുനാണ് നായകൻ. ചലച്ചിത്ര തൊഴിലാളികൾ ഏറെ ആവേശത്തോടെയാണ്, ഈ അനുമതി ലഭിച്ചതിനെ കാണുന്നത്.
പട്ടാഭിരാമന്‍, മരട് 357, ഉടുമ്പ് എന്നീ ചിത്രങ്ങൾക്ക് ശേഷം കണ്ണൻ താമരക്കുളത്തിന്റെ സംവിധാനത്തിൽ അണിയറയില്‍ ഒരുങ്ങുന്ന ഒരു എക്സ്ട്രിം ഫാമിലി ആക്ഷൻ ത്രില്ലര്‍ ചിത്രമാണ് ‘വിരുന്ന്’. ഏറെ ദുരൂഹതകൾ നിറഞ്ഞ കഥാപാത്രത്തെയാണ് അർജുൻ ചിത്രത്തിൽ അവതരിപ്പിക്കുന്നത്. നിക്കി ഗിൽറാണി, മുകേഷ്, ഗിരീഷ് നെയ്യാർ, ബൈജു സന്തോഷ്, ആശ ശരത്, അജു വർഗീസ്, ഹരീഷ് പേരടി, ധർമജൻ ബോൾഗാട്ടി, മൻരാജ്, സുധീർ, പോൾ താടിക്കാരൻ, ജിബിൻ സാബ്, DD എൽദോ തുടങ്ങി വമ്പൻ താരനിര ചിത്രത്തിൽ അണിനിരക്കുന്നു.
നെയ്യാർ ഫിലിംസിന്റെ ബാനറിൽ ഗിരീഷ് നെയ്യാർ ബാദുഷ എൻ.എം എന്നിവർ ചേർന്ന് നിർമ്മിക്കുന്ന ചിത്രത്തിന്റെ സ്ക്രിപ്റ്റ് ദിനേശ് പള്ളത്ത് ആണ്. കണ്ണന്റെ മരട് 357, ഉടുമ്പ് എന്നീ സിനിമകൾ റിലീസിനായി കാത്തിരിക്കുകയാണ്. ഉടുമ്പിലെ പാട്ടുകളും ട്രെയിലറും ഒക്കെ സോഷ്യൽ മീഡിയയിൽ തരംഗമായിരുന്നു. റിലീസിന് മുൻപ് തന്നെ ഹിന്ദിയിലേക്ക് റീമേക്ക് ചെയ്യാനുള്ള തിരക്കിലാണ് ഉടുമ്പ്. ഒരു വർഷത്തിനുള്ളിൽ തന്നെ ഹിന്ദിയിലും ഉടുമ്പ് ചിത്രീകരിക്കും. കണ്ണൻ തന്നെയാണ് സംവിധാനം. രവി ചന്ദ്രനാണ്‌ ചിത്രത്തിന്റെ ക്യാമറാമാൻ. രതീഷ് വേഗ, സാനന്ദ് ജോർജ് ഗ്രേസ് എന്നിവർ സംഗീത സംവിധാനം ചെയ്യുന്ന ചിത്രത്തിന്റെ എഡിറ്റർ വി. ടി ശ്രീജിത്ത് . കലാ സംവിധാനം സഹസ്സ് ബാല ,മേക്കപ്പ് പ്രദീപ് രംഗൻ ,കോസ്റ്റും അരുൺ മനോഹർ ,പ്രൊഡക്ഷൻ കൺട്രോളർ അനിൽ അങ്കമാലി ,പ്രൊഡക്ഷൻ എക്സിക്യൂട്ടീവ് അഭിലാഷ് അർജുനൻ. വാർത്ത പ്രചരണം സുനിത സുനിൽ, പി ശിവപ്രസാദ്.
Post Your Comments