ചെന്നൈ: സൂര്യയെ നായകനാക്കി പാണ്ഡിരാജ് സംവിധാനം ചെയ്യുന്ന ചിത്രത്തിന്റെ ഫസ്റ്റ്ലുക്ക് ജൂലൈ 22ന് പുറത്തുവിടും. വൈകുന്നേരം 6 മണിക്കായിരിക്കും പോസ്റ്റർ റിലീസ് ചെയ്യുക. സിനിമയുടെ നിർമ്മാതാക്കളായ സണ്‍ പിക്‌ചേഴ്‌സാണ് ഇക്കാര്യം ട്വിറ്ററിലൂടെ അറിയിച്ചത്. ഇതിനോടകം ഫസ്റ്റ്ലുക്ക് അനൗണ്‍സ്‌മെന്റ് വീഡിയോ ട്വിറ്ററില്‍ ട്രെന്റിങ്ങായി കഴിഞ്ഞു.
അതേസമയം സൂര്യ40യുടെ ഷൂട്ടിങ്ങ് ഉടന്‍ ആരംഭിക്കുമെന്നാണ് റിപ്പോർട്ട് . ചെന്നൈയിലാണ് ചിത്രീകരണം നടക്കുക. സൂര്യയുടെ 40താമത്തെ ചിത്രമാണിത്.
#Suriya40FirstLook on July 22 @ 6 PM!#Suriya40 #Suriya40FLon22nd@Suriya_offl @pandiraj_dir @immancomposer @RathnaveluDop @priyankaamohan pic.twitter.com/ZzMNetQf8y
— Sun Pictures (@sunpictures) July 19, 2021
പ്രിയങ്ക മോഹന്‍, സത്യരാജ്, സരണ്യ പൊന്നവണ്ണന്‍, സൂരി, ഇലവരസു എന്നിവരാണ് ചിത്രത്തിലെ മറ്റ് പ്രധാന കഥാപാത്രങ്ങള്‍. സണ്‍ പിക്‌ചേഴ്‌സാണ് ചിത്രത്തിന്റെ നിര്‍മ്മാതാക്കള്‍.
നവരസ എന്ന നെറ്റ്ഫ്ലിക്സ് ആന്തോളജിയാണ് സൂര്യയുടെ റിലീസ് ചെയ്യാനിരിക്കുന്ന ഏറ്റവു പുതിയ ചിത്രം. ‘ഗിറ്റാര്‍ കമ്പി മേലേ നിന്‍ട്ര്’ എന്ന ഗൗതം മേനോന്‍ ചിത്രത്തിലാണ് സൂര്യ കേന്ദ്ര കഥാപാത്രമാകുന്നത്. ചിത്രത്തില്‍ പ്രയാഗ മാര്‍ട്ടിനാണ് നായിക. സൂര്യ ഒരു സംഗീതജ്ഞന്റെ റോളിലാണ് ചിത്രത്തിലെത്തുക.
Post Your Comments