ഫഹദ് ഫാസിലിലെ നായകനാക്കി മഹേഷ് നാരായണന്‍ സംവിധാനം ചെയ്‍ത ചിത്രമാണ് ‘മാലിക്’. ആമസോണ്‍ പ്രൈം വീഡിയോയിലൂടെ പ്രദർശനത്തിനെത്തിയ ചിത്രം മികച്ച പ്രേക്ഷക പ്രതികരണമാണ് നേടുന്നത്. ഇപ്പോഴിതാ ചിത്രത്തിന്റെ ബിഹൈന്‍ഡ് ദി സീന്‍ വീഡിയോ പുറത്തുവിട്ടിരിക്കുകയാണ് നിര്‍മ്മാതാക്കള്‍. ഭൂരിഭാഗം രംഗങ്ങളും സെറ്റിട്ട് ചിത്രീകരിച്ച സിനിമയിലെ പ്രാധാന്യമുള്ള ഫഹദ് അഭിനയിച്ച ഒരു വെടിവെപ്പ് രംഗത്തിന്‍റെ ബിഹൈന്‍ഡ് ദി സീന്‍ വീഡിയോ ആണ് പുറത്തു വിട്ടിരിക്കുന്നത്.
ചുറ്റുപാടു നിന്നും വെടിവെപ്പ് ഉണ്ടാവുമ്പോള്‍ രക്ഷതേടി ഓടിമാറുന്ന ഫഹദിന്‍റെ സുലൈമാന്‍ മാലിക് ആണ് വീഡിയോയില്‍. അപകടകരമായ രംഗത്തില്‍ വളരെ സാഹസികമായിട്ടാണ് താരം അഭിനയിച്ചിരിക്കുന്നത്. ഇന്നത്തെ മലയാള സിനിമയില്‍ ഫഹദിനെ വേര്‍തിരിച്ചു നിര്‍ത്തുന്നത് ഈ സമര്‍പ്പണമാണെന്ന് നിര്‍മ്മാതാവ് ആന്‍റോ ജോസഫും പറഞ്ഞു.
Post Your Comments