‘ബ്രോ ഡാഡി, പ്രോ വൈഫി’: സുപ്രിയയ്ക്ക് പിന്നിൽ മറഞ്ഞ് നിന്ന് പൃഥ്വി, വൈറൽ ചിത്രം

പ്രേഷകരുടെ പ്രിയപ്പെട്ട താരദമ്പതികളാണ് പൃഥ്വിരാജും സുപ്രിയയും. ഇപ്പോഴിതാ സുപ്രിയയ്‌ക്കൊപ്പമുള്ള ഒരു മനോഹര ചിത്രം പങ്കുവെച്ചിരിക്കുകയാണ് പൃഥ്വിരാജ്. ഇരുവരും പൃഥ്വി സംവിധാനം ചെയ്യുന്ന ബ്രോ ഡാഡിയുടെ ഷൂട്ടിങ്ങിനായി തെലുങ്കാനയിലാണ്. ഷൂട്ടിംഗ് ഇടവേളയിൽ പകർത്തിയ ചിത്രമാണ് ഇരുവരും പങ്കുവെച്ചിരിക്കുന്നത്.

ചിത്രത്തില്‍ സുപ്രിയയ്ക്ക് പിന്നില്‍ നിന്ന് മറഞ്ഞു നില്‍ക്കുന്ന പൃഥ്വിരാജിനെ കാണാം. ചിത്രത്തില്‍ രണ്ട് പേരും കറുത്ത് നിറത്തിലുള്ള വേഷമാണ് ധരിച്ചിരിക്കുന്നത്. ‘ബ്രോ ഡാഡി, പ്രൊ വൈഫി’ എന്ന ക്യാപ്‌ഷനോടെയാണ് താരം ചിത്രം പങ്കുവെച്ചിരിക്കുന്നത്. ദുല്‍ഖര്‍ സല്‍മാന്‍ അടക്കമുള്ള താരങ്ങള്‍ ഫോട്ടോയ്ക്ക് കമന്റ് എഴുതിയിട്ടുണ്ട്. ‘ക്യൂട്ടീസ്’ എന്നാണ് ദുല്‍ഖറിന്റെ കമന്റ്.

https://www.instagram.com/p/CRZCIz-sjKD/?utm_source=ig_embed&ig_rid=56777520-4ec0-4bf8-8573-b7a83b280421

ലൂസിഫറിന് ശേഷം മോഹൻലാലിനെ നായകനാക്കി പൃഥ്വിരാജ് സംവിധാനം ചെയ്യുന്ന ചിത്രമാണ് ബ്രോ ഡാഡി. ലോക്ക്ഡൗണിന്റെ പശ്ചാത്തലത്തിൽ കേരളത്തിൽ ഇപ്പോഴും സിനിമാഷൂട്ടിംഗിന് സർക്കാർ അനുവാദം നൽകിയിട്ടില്ല. ഈ സാഹചര്യത്തിലാണ് ചിത്രീകരണം തെലുങ്കാനയിലേക്ക് മാറ്റിയിരിക്കുന്നത്.

മീന, ലാലു അലക്സ്, മുരളി ഗോപി, കനിഹ, സൗബിൻ ഷാഹിർ തുടങ്ങിയ വമ്പൻ താരനിരയുമായാണ് ബ്രോ ഡാഡി എത്തുക. ആശിർവാദ് സിനിമാസിന്റെ ബാനറിൽ ആന്റണി പെരുമ്പാവൂരാണ് ചിത്രം നിർമ്മിക്കുന്നത്.