പ്രേക്ഷകർ ഒന്നടങ്കം പ്രതീക്ഷയോടെ കാത്തിരിക്കുന്ന ചിത്രമാണ് ലോകേഷ് കനകരാജ് സംവിധാനം ചെയ്യുന്ന വിക്രം. ചിത്രത്തിൽ ഉലകനായകന്‍ കമല്‍ഹാസനും മക്കൾ സെൽവം വിജയ് സേതുപതിയും മലയാളത്തിന്റെ സ്വന്തം ഫഹദ് ഫാസിലും പ്രധാന കഥാപാത്രങ്ങളായി എത്തുന്നു. കഴിഞ്ഞ ദിവസമാണ് സിനിമയുടെ ഷൂട്ടിങ് ആരംഭിച്ചത്. ചിത്രത്തിന്റെ പൂജാ ചടങ്ങിന് കമലിനൊപ്പം വിജയ് സേതുപതിയും എത്തിയിരുന്നു. ഫഹദ് വൈകാതെ ജോയിന്‍ ചെയ്യുമെന്നാണ് റിപ്പോർട്ട്. ചിത്രത്തിന്റെ ലൊക്കേഷൻ ചിത്രങ്ങളും വീഡിയോ എല്ലാം സോഷ്യൽ മീഡിയയിൽ വൈറലാകുകയാണ്.
ദീര്‍ഘനാളിനു ശേഷം ഫിലിം ഷൂട്ടിംഗ് ലൊക്കേഷനിലേക്കെത്തിയ തനിക്ക് ഒരു ഹൈസ്‍കൂള്‍ റീയൂണിയന്‍ പോലെയാണ് തോന്നിയത് എന്ന് കുറിച്ചുകൊണ്ടായിരുന്നു ലൊക്കേഷൻ ചിത്രങ്ങൾ കമലഹാസൻ പങ്കുവെച്ചത് . കഴിഞ്ഞ അഞ്ച് പതിറ്റാണ്ടിനിടെ ചിത്രീകരണത്തില്‍ പങ്കെടുക്കാതിരുന്ന ഏറ്റവും വലിയ ഇടവേളയാണ് ഇതെന്നും. രാജ്‍കമല്‍ ഫിലിംസ് ഇന്‍റര്‍നാഷണലിലെ സഹപ്രവര്‍ത്തകര്‍, ലോകേഷ് കനകരാജും അദ്ദേഹത്തിന്‍റെ സംഘവും, വിജയ് സേതുപതി, ഫഹദ് ഫാസില്‍ എന്നിവര്‍ക്ക് സ്വാഗതം പറഞ്ഞുള്ളതുമാണ് കമലിന്‍റെ ട്വീറ്റ്. ആദ്യദിന വീഡിയോയും അദ്ദേഹം ഒപ്പം പോസ്റ്റ് ചെയ്‍തിട്ടുണ്ട്.
രാജ്‍കമല്‍ ഫിലിംസ് ഇന്‍റര്‍നാഷണലിന്‍റെ ബാനറില്‍ കമല്‍ഹാസന്‍ തന്നെയാണ് വിക്രത്തിന്‍റെ നിര്‍മ്മാണം. സംഗീതം അനിരുദ്ധ്. എഡിറ്റിംഗ് ഫിലോമിന്‍ രാജ്. സംഘട്ടന സംവിധാനം അന്‍പറിവ്. നൃത്തസംവിധാനം ദിനേശ്. പിആര്‍ഒ ഡയമണ്ട് ബാബു. ശബ്ദ സങ്കലനം കണ്ണന്‍ ഗണ്‍പത്. 2022ല്‍ തിയറ്ററുകളിലെത്തിക്കാനാണ് പദ്ധതി.
Post Your Comments