അറിവിന്റെ സമുദ്രം, കുറച്ചെങ്കിലും ഞാൻ വായിച്ചിരിക്കണം: പുതിയ ചിത്രം പങ്കുവെച്ച് മമ്മൂട്ടി

മലയാളത്തിന്റെ എക്കാലത്തെയും സൂപ്പർ സ്റ്റാറാണ് മമ്മൂട്ടി. പ്രായം വെറും അക്കത്തിൽ മാത്രമാണുള്ളത് എന്ന് ഓരോ ദിവസവും തെളിയിച്ചുകൊണ്ടിരിക്കുകയാണ് മമ്മൂട്ടി എന്ന മഹാനടൻ. സോഷ്യൽ മീഡിയയിൽ അദ്ദേഹത്തിന്റെ ചിത്രങ്ങൾ പങ്കുവയ്ക്കുമ്പോഴെല്ലാം അത് വൈറലാവാറുണ്ട്. ആ ചിത്രത്തിലെ താരത്തിന്റെ ലുക്ക് ഏറെ ചർച്ചയാവുകയും ചെയ്യും. അത്തരത്തിൽ മമ്മൂട്ടി പങ്കുവെച്ച ഒരു പുതിയ ചിത്രമാണ് ഇപ്പോൾ വൈറലാകുന്നത്.

ഒരു ബുക്ക് ഷെൽഫിനടുത്ത് നിൽക്കുന്ന പടമാണ് മമ്മൂട്ടി പങ്കുവച്ചിട്ടുള്ളത്. വശത്തേക്ക് ചരിഞ്ഞു നിൽക്കുന്ന അദ്ദേഹത്തിന്റെ ശരീരത്തിലേക്ക് ജനലിലൂടെ വെയിലേൽക്കുന്നതായി കാണാം. ഇരുട്ടും വെളിച്ചവും ചേർന്നുകൊണ്ടുള്ള ചിത്രത്തിൽ കുറച്ച് താടി നീണ്ട് കണ്ണട ധരിച്ച് നീല ഷേട്ടും ജീൻസും ധരിച്ചുകൊണ്ടുള്ള ഗെറ്റപ്പിലാണ് താരത്തെ കാണാനാവുന്നത്.

‘അറിവിന്റെ സമുദ്രം. കുറച്ചെങ്കിലും ഞാൻ വായിച്ചിരിക്കണം’ എന്നാണ് ചിത്രത്തിന് അടികുറിപ്പായി മമ്മൂട്ടി എഴുതിയിരിക്കുന്നത്. സെല്‍ഫ് പോര്‍ട്രേയ്‍റ്റ് എന്നും മമ്മൂട്ടി എഴുതിയിരിക്കുന്നു.

https://www.facebook.com/Mammootty/posts/362809505209057