നടൻ നസീറുദ്ദിൻ ഷാ ആശുപത്രി വിട്ടു: ആരോഗ്യ വിവരം പങ്കുവെച്ച് മകൻ

രോഗം ഭേദമായി നടൻ നസീറുദ്ദിൻ ഷാ വീട്ടിലേക്ക് മടങ്ങി എത്തി. നസീറുദ്ദിൻ ഷായുടെ ആരോഗ്യവിവരം അറിയിച്ചുകൊണ്ട് മകൻ വിവാൻ ഷായാണ് ഇക്കാര്യം അറിയിച്ചത്.

നസീറുദ്ദീൻ ഷായുടെ വീട്ടില്‍ നിന്നുള്ള ഫോട്ടോയും വിവാൻ പങ്കുവെച്ചു. ഒട്ടേറെ പേരാണ് നസീറുദ്ദിൻ ഷായ്‍ക്ക് ആശംസകള്‍ നേരുന്നത്. ആരോഗ്യവനായിരിക്കട്ടെയെന്ന് എല്ലാവരും ആശംസിക്കുന്നു.

ന്യൂമോണിയ ബാധിച്ചതിനെ തുടര്‍ന്നായിരുന്നു നസീറുദ്ദിൻ ഷായെ ആശുപത്രിയില്‍ പ്രവേശിപ്പിച്ചത്.

ജാനെ ഭി ദു യാരോ, മസൂം, നിശാന്ത് തുടങ്ങിയവയാണ് നസീറുദ്ദിൻ ഷായുടെ പ്രധാന സിനിമകള്‍.