വിവാഹ തീയതി പുറത്തുവിട്ട് രാഹുൽ വൈദ്യയും ദിഷ പാർമറും

വിവാഹ തീയതി പുറത്തുവിട്ട് ഗായകനും സംഗീത സംവിധായകനുമായ രാഹുല്‍ വൈദ്യയും നടിയും മോഡലുമായ ദിഷ പാര്‍മറും. ഈ മാസം 16ന് തങ്ങള്‍ വിവാഹം കഴിക്കുകയാണെന്നും പ്രണയത്തിന്റെ പുതിയ അധ്യായത്തിന് എല്ലാവരുടേയും അനുഗ്രഹം ഉണ്ടാകണമെന്നും ഇരുവരും ട്വീറ്റ് ചെയ്തു.

‘ഞങ്ങളുടെ കുടുംബങ്ങളുടെ അനുഗ്രഹത്താല്‍, ഈ പ്രത്യേക നിമിഷം നിങ്ങളുമായി പങ്കിടുന്നതില്‍ ഞങ്ങള്‍ ആഹ്ലാദിക്കുന്നു. ഞങ്ങളുടെ വിവാഹം ജൂലൈ 16 ന് നടക്കുമെന്ന് സന്തോഷത്തോടെ അറിയിക്കുന്നു. പ്രണയത്തിന്റെയും ഒരുമയുടെയും ഈ പുതിയ അധ്യായം ആരംഭിക്കുമ്പോള്‍ ഞങ്ങള്‍ നിങ്ങളുടെ സ്‌നേഹവും അനുഗ്രഹവും ആഗ്രഹിക്കുന്നു’.- ഇരുവരും കുറിച്ചു.

#TheDisHulWedding ❤️@disha11parmar pic.twitter.com/j7KOQEKB7g

— RAHUL VAIDYA RKV (@rahulvaidya23) July 6, 2021

കഴിഞ്ഞ വര്‍ഷം കളേഴ്സ് ചാനലില്‍ സംപ്രേഷണം ചെയ്ത ബിഗ് ബോസ് റിയാലിറ്റി ഷോയിലാണ് ഇരുവരും പ്രണയത്തിലായത്.