മലയാളികളുടെ പ്രിയ സംവിധായകൻ അടൂ‍ർ ഗോപാലകൃഷ്‍ണന് ഇന്ന് എണ്‍പതാം ജന്മദിനം. നിരവധി പേരാണ് പ്രിയ സംവിധായകന് ആശംസകൾ അറിയിച്ചുകൊണ്ട് എത്തുന്നത്. അടൂര്‍ ഗോപാലകൃഷ്‍ണന് ആശംസയും ആദരവും അറിയിച്ചിട്ടുള്ള പ്രത്യേക ഗ്രാഫിക്കൽ വീഡിയോ നടൻ മമ്മൂട്ടി പുറത്തുവിട്ടു.
സ്‍നേഹപൂർവ്വം എന്ന പേരിൽ ഒരുക്കിയ ഗ്രാഫിക്കൽ വീഡിയോയിൽ അടൂ‍ർ ഗോപാലകൃഷ്‍ണൻ സംവിധാനം ചെയ്‍ത വിവിധ ചിത്രങ്ങളും അവയുടെ കാരിക്കേച്ചറുകളും കാണാം. ബീൻബാഗ് ക്രിയേറ്റീവ് മീഡിയയാണ് ഈ കലാസൃഷ്‍ടിക്ക് പിന്നിൽ. സുധീർ പി വൈ, കൃഷ്‍ണൻ ബാലകൃഷ്‍ണൻ എന്നിവരുടേതാണ് വീഡിയോയുടെ ആശയം. പി വി ഉണ്ണികൃഷ്‍ണനാണ് പശ്ചാത്തലസംഗീതം ഒരുക്കിയത്.ഡ്രോയിംഗ് ആനിമേഷനും സുധീര്‍ പി വൈയുടേതാണ്.
Post Your Comments