വിജയ്ക്ക് അഭിനയിക്കാൻ അറിയില്ലെന്ന് വിമർശനം: മറുപടിയുമായി ഒമർ ലുലു

നടൻ വിജയ്‌ക്ക് പിറന്നാൾ ആശംസകൾ അറിയിച്ചുകൊണ്ട് പങ്കുവെച്ച പോസ്റ്റിന് നേരെ വിമർശനം ഉന്നയിച്ചയാൾക്ക് മറുപടിയുമായി സംവിധായകൻ ഒമർ ലുലു. സൗത്ത് ഇന്ത്യയിലെ കിംഗ് വിജയ്ക്ക് പിറന്നാൾ ആശംസകൾ എന്നായിരുന്നു ഒമർ ലുലു ഫേസ്ബുക്കിൽ കുറിച്ചത്. ഈ പോസ്റ്റിന് നേരെയായിരുന്നു ഒരാൾ, വിജയ്ക്ക് അഭിനയിക്കാൻ അറിയില്ലെന്നും മുഖത്ത് ഒരേ ഭാവം മാത്രമാണ് ഉള്ളത് എന്നും കമന്റ് ചെയ്തത്. എന്നാൽ ഇയാൾക്ക് തക്കതായ മറുപടിയും ഒമർ നൽകി. എല്ലാ ഭാവങ്ങളും മുഖത്തു വരുന്ന മറ്റു നടന്മാർക്ക് വിജയ് എന്ന നടന്റെ അത്ര കളക്ഷൻ നേടാൻ സാധിക്കാത്തത് എന്ത് എന്ന് ചിന്തിച്ചാൽ മതിയെന്നായിരുന്നു ഒമർ ലുലുവിന്റെ മറുപടി.

‘എല്ലാ ഭാവം അറിയുന്ന മറ്റുള്ളവർക്ക് എന്താ ഇയാളുടെ അത്രയ്ക്ക് ഇനീഷ്യൽ കളക്ഷൻ കിട്ടാതെ ? സൗത്ത് മൊത്തം നോക്കിയാലും വിജയ് അണ്ണന്റെ സ്റ്റാർഡം വേറെ ലെവൽ ആണ് മോനെ’- എന്നായിരുന്നു ഒമറിന്റെ മറുപടി.

രാജ്യമൊട്ടാകെ ആരാധകരുള്ള തമിഴ് നടനാണ് വിജയ്. ഇന്ന് താരത്തിന്റെ 47–ാം പിറന്നാളാണ്. നിരവധിപേരാണ് വിജയ്‌ക്ക് ആശംസകളുമായി എത്തിയിരിക്കുന്നത്.

https://www.facebook.com/omarlulu/posts/341818440633949