സമൂഹമാധ്യമങ്ങളിൽ ഏറ്റവും സജീവമായി നിലകൊള്ളുന്ന മലയാള സിനിമാ സംവിധായകനാണ് ഒമർ ലുലു. സിനിമയുമായി ബന്ധപ്പെട്ട കാര്യങ്ങളിലും മറ്റുമായി പ്രേക്ഷകരോട് നേരിട്ട് സംവദിക്കാറുമുണ്ട്. പലപ്പോഴും തന്റെ സിനിമകളുടെ പേരിൽ ഒമർ വിമർശനങ്ങൾ നേരിടാറുണ്ട്. ഇപ്പോഴിതാ തന്നെ വിമർശിക്കുന്നവർക്ക് എല്ലാം നല്ല കിടിലൻ മറുപടിയുമായി എത്തിയിരിക്കുകയാണ് ഒമർ. ഫേസ്ബുക്കിൽ പങ്കുവെച്ച കുറിപ്പിനോടൊപ്പം ഒരു രസകരമായ ട്രോളും ഒമർ പങ്കുവെച്ചിട്ടുണ്ട്.
ഇഷ്ട ടീമുകളുടെ സിനിമയിൽ തെറിയും ഡബിൾ മീനിങ്ങും വന്നാൽ പുരോഗമന വാദവും, മറിച്ച് തന്റെ സിനിമയിൽ എന്തെങ്കിലും കോമഡി പറഞ്ഞാൽ തൊലി ഉരിഞ്ഞു പോയി വീട്ടുകാരുടെയും കുട്ടികളുടെയും മുൻപിൽ ഇതൊക്കെ എങ്ങനെയാ കാണുക എന്ന ചോദ്യവും വരുന്നു എന്ന് ഒമർ പറയുന്നു.
ഒമർ ലുലുവിന്റെ കുറിപ്പ് :
”പ്രമൂഖ സിനിമാ ഗ്രൂപ്പിൽ റിവ്യൂ ഒമർ ലുലു സിനിമയില്ലേ ഡബിൾ മീനിങ്ങ് കോമഡി കണ്ട് തൊലി ഉരിഞ്ഞു പോയി വീട്ടുകാരുടെയും കുട്ടികളുടെയും മുൻപിൽ ഇതൊക്കെ എങ്ങനെയാ കാണാ…..അതേസമയം തങ്ങളുടെ ഇഷ്ട ടീമുകളുടെ സിനിമയിൽ തെറിയും ഡബിൾ മീനിങ്ങും വന്നാൽ, പിള്ളേർ ഇതൊക്കെ കേട്ട് പഠിക്കട്ടേ അവരുടെ മുൻപിൽ എല്ലാം ഓപ്പൺ ആയി സംസാരിക്കണം ഒളിച്ചു വച്ചാൽ അവർ കൂടുതൽ അപകടങ്ങളിൽ പോയി ചാടും, നമ്മൾ എല്ലാവരും റിയൽ ലൈഫിൽ ഇങ്ങനെ അല്ലേ തുടങ്ങി ഒരു 100 ന്യായീകരണങ്ങൾ വരും”- ഒമർ കുറിച്ചു.
Post Your Comments