മമ്മൂട്ടി എടുത്ത ചിത്രം പങ്കുവെച്ച് നടൻ മനോജ് കെ ജയൻ. മനോജ് കെ ജയനും മണിയന്‍പിള്ള രാജുവും ശ്വേത മേനോനും ഒരുമിച്ചുള്ള ചിത്രം പകര്‍ത്തുന്ന മമ്മൂട്ടിയുടെ ഫോട്ടോയും മനോജ് ഷെയർ ചെയ്തിട്ടുണ്ട്. അമ്മ ഷോയുടെ റിഹേഴ്സലിൻ്റെ ഇടയിൽ എടുത്ത ചിത്രമാണിതെന്ന് മനോജ് കുറിച്ചു.
‘മമ്മൂക്കയ്ക്ക് ഫോട്ടോഗ്രാഫി ഒരു ക്രെയ്സ് ആണ്. പല തവണ അദ്ദേഹത്തിൻ്റെ ക്യാമറയ്ക്ക് മുന്നിൽ ഞാൻ പെട്ടിട്ടുണ്ട്. അത് വലിയ സന്തോഷമാണ്, ഭാഗ്യമാണ്. കാരണം, അത് എന്നെന്നും സൂക്ഷിച്ചു വയ്ക്കാവുന്നതായിരിക്കും. ദുബായിൽ അമ്മ ഷോയുടെ റിഹേഴ്സലിൻ്റെ ഇടയിൽ ഫോട്ടോഗ്രാഫർ ജെ.പി. യുടെ ക്യാമറയിൽ മമ്മുക്കയുടെ ക്ലിക്ക്. കൂടെ, ശ്വേതയും, മണിയൻപിള്ള രാജുവേട്ടനും, ഹാപ്പി മൊമൻ‌സ് എന്നായിരുന്നു മനോജ് കെ ജയൻ കുറിച്ചത്.
ദുല്‍ഖര്‍ സല്‍മാനുള്‍പ്പടെ നിരവധി പേരാണ് ഫോട്ടോലൈക്ക് ചെയ്തിട്ടുള്ളത്.
Post Your Comments