കുടുംബ പ്രേക്ഷകരുടെ പ്രിയപരമ്പരയാണ് പാടാത്ത പൈങ്കിളി. ദിനേഷ് പള്ളത്തിന്റേ കഥയെ അടിസ്ഥാനമാക്കി സുധീഷ് ശങ്കര്‍ ഒരുക്കുന്ന ഈ പരമ്പരയിൽ ടിക് ടോക് സ്റ്റാറും മോട്ടിവേഷണൽ സ്പീക്കറുമായ സൂരജ് സൺ ആയിരുന്നു നായകനായ ദേവയായി എത്തുന്നത്. കണ്മണി- ദേവ താരജോഡികൾ പ്രേക്ഷകർക്കിടയിൽ ശ്രദ്ധനേടിയിരുന്നു. എന്നാൽ ഇപ്പോൾ നടൻ പരമ്പരയിൽ നിന്നും പിന്മാറി എന്ന തരത്തിലുള്ള പ്രചാരണങ്ങൾ ആണ് നടക്കുന്നത്.
കുറച്ചധികം ദിവസങ്ങളായി സൂരജ് പരമ്പരയിൽ നിന്നും പിന്മാറി എന്ന തരത്തിലുള്ള പ്രചാരണങ്ങൾ വിവിധ യൂ ട്യൂബ് ചാനലുകൾ ഉൾപ്പെടെ പുറത്തുവിട്ടതിന്റെ നിരാശയിലാണ് ആരാധകർ. സൂരജ് തിരികെ വരണം എന്നഭ്യർത്ഥിച്ചുകൊണ്ട് നിരവധി ആരാധകർ സോഷ്യൽ മീഡിയയിൽ രംഗത്ത് എത്തിയിരിക്കുന്നത്.
read also: ആക്‌ഷൻ ഡയറക്ടർ മാഫിയ ശശിയുടെ മകൻ സന്ദീപ് വിവാഹിതനായി ; വീഡിയോ
”സൂരജേട്ടാ, ദയവായി പാടാത്ത പൈങ്കിളി സീരിയലിൽ നിന്നു പോകരുത്. ഞങ്ങളുടെ മനസ്സിൽ ദേവയ്ക്കു ഈ മുഖവും രൂപവും ആണ്. ചേട്ടന്റെ തിരിച്ചു വരവിനു എത്രവേണേലും ഞങ്ങൾ കാത്തിരിക്കാം. പക്ഷെ സീരിയലിൽ നിന്നു എന്നന്നേയിക്കുമായി പോകരുത്. ചേട്ടന് പുതിയൊരു ജീവിതം നൽകിയ ഈ സീരിയലിനെയും, കഥാപത്രത്തിനെയും, ഞങ്ങൾ പ്രേക്ഷകരെയും കൈവിടരുത്”- എന്നുള്ള അഭ്യർത്ഥനകൾ ആണ് കൂടുതലും നിറയുന്നത്.
‘പലരും പറയുന്നുണ്ട് സൂരജ് പോയി എന്ന്. പക്ഷെ സൂരജ് പറയാതെ വിശ്വസിക്കില്ല എന്നും ആരാധകർ സൂരജിനോട് പറയുന്നുണ്ട്. ഒരിക്കലും ഞങ്ങളെ വിട്ട്,പാടാത്ത പൈങ്കിളി വിട്ടു പോകല്ലേ സൂരജ് പ്ലീസ്. സൂരജ് ആരോഗ്യം പെട്ടന്ന് ഓക്കേ ആകും അപ്പോൾ വരാമല്ലോ സൂരജിന്. ഞങ്ങളുടെ ഹൃദയം തകർക്കുന്ന തീരുമാനം ഒന്നും എടുക്കല്ലേ സൂരജ് അത്രക്ക് ഹൃദയത്തിൽ കയറിയ മുഖമാണ് സൂരജിന്റേത്’, എന്നും ആരാധകർ സംസാരിക്കുന്നുണ്ട്.
read also:അമ്മയെ എടുത്ത് പൊക്കി മകൾ ; പൂർണിമയുടെയും പ്രാർത്ഥനയുടെയും ചിത്രം ഏറ്റെടുത്ത് ആരാധകർ
‘സീരിയലിൽ നിന്നും പിന്മാറിയെന്ന് ഇപ്പോൾ വെളിപ്പെടുത്തിയാൽ ആ സീരിയൽ നാളെ മുതൽ ആരും കാണില്ല. അതുകൊണ്ടായിരിക്കും പറയാത്തത്. ഇതിപ്പോൾ സൂരജ് വരുമെന്ന പ്രതീക്ഷയിൽ ആണ് ഞങ്ങൾ. പുതിയ ആള് വന്നതിനു ശേഷം പോകാൻ ആണോ’, എന്ന ചോദ്യവും ആരാധകർ ഉയർത്തുന്നുണ്ട്
എന്തുകൊണ്ടാണ് പരമ്പരയിൽ നിന്നും താരം വിട്ടുനിൽക്കുന്നത് എന്ന് ഇത് വരെയും സൂരജ് പ്രതികരിച്ചിട്ടില്ലെങ്കിലും ആരോഗ്യപരമായ കാരണങ്ങൾ ആണ് ഇതിനു പിന്നിൽ എന്നും സൂചനയുണ്ട്. താരത്തിന്റെ പ്രതികരണത്തിനായി കാത്തിരിക്കുകയാണ് ആരാധകർ
Post Your Comments