‘മുകൾ’ രാജവംശത്തിൽ പെട്ടവരാണെന്നു തോന്നുന്നു ; മകനോടൊപ്പമുള്ള ചിത്രവുമായി രമേഷ് പിഷാരടി

നടനും സംവിധായകനും അവതാരകനുമായ രമേഷ് പിഷാരടിയുടെ സോഷ്യൽ മീഡിയ പോസ്റ്റുകൾ എപ്പോഴും ആരാധകരുടെ ശ്രദ്ധ നേടാറുണ്ട്. എന്തു പറയുമ്പോഴും അതിൽ ഇത്തിരി നർമം കൂടി കലർത്തിയെ അദ്ദേഹം ചിത്രങ്ങളാണെങ്കിൽ പോലും പങ്കുവെയ്ക്കാറുള്ളു. ഇപ്പോഴിതാ മകനൊപ്പമുള്ള ഒരു ചിത്രം പങ്കുവയ്ക്കുകയാണ് പിഷാരടി. ഇത്തവണയും ചിത്രത്തോടൊപ്പം കിടിലൻ ക്യാപ്ഷനും നൽകിയിട്ടുണ്ട്.

‘മുകൾ രാജവംശത്തിൽ പെട്ടവരാണെന്നു തോന്നുന്നു’ എന്നാണ് പിഷാരടി മകനുമായി ഇരിക്കുന്ന ചിത്രത്തിന് നൽകിയ ക്യാപ്ഷൻ.

https://www.instagram.com/p/COS_EufH_Jh/?utm_source=ig_web_copy_link

പതിവുപോലെ പിഷാരടിയുടെ ക്യാപ്ഷൻ ആരാധകരും ഏറ്റെടുത്തുകഴിഞ്ഞു. ‘ചോള രാജവംശത്തെ വല്ലോം കണ്ടാൽ കുഞ്ഞന്‌ ഇത്തിരി പോപ്പ്കോൺ വാങ്ങിച്ച്‌ കൊടുത്തേരെ’ എന്നാണ് ഒരു ആരാധകന്റെ കമന്റ്.

അടുത്തിടയിൽ താരം പങ്കുവെച്ച സോഷ്യൽമീഡിയയിൽ ഏറെ വൈറലായ വീഡിയോയായിരുന്നു കോഴിക്കോടുകാരൻ നൈസലിന്‍റെ ‘പെര്‍ഫെക്ട് ഓകെ’ പറയുന്ന വൈറലായ ഇംഗ്ലീഷ് സംഭാഷണം കുറിച്ചുകൊണ്ട് പിഷാരടി തന്റെ ചിത്രം പങ്കുവെച്ചിരുന്നു. ഇതും സോഷ്യൽ മീഡിയയിൽ വൈറലായി മാറിയിരുന്നു.