സംസാരഭാഷകളില്ലാത്ത, ഒരു സംഭാഷണം പോലും പറയാത്ത വികാരതീയമായ ഒരു ത്രില്ലർ സിനിമ ഒരുങ്ങുന്നു. യു.കെ.യിൽ ചിത്രീകരിച്ച ‘സൈലൻ്റ് സൈൻസ്’ എന്ന ചിത്രം സംവിധാനം ചെയ്തിരിക്കുന്നത് യു.കെ.മലയാളികളിലെ ഏറ്റവും ശ്രദ്ധേയനായ അനീഷ് മോഹനാണ്.
വിശ്വരൂപം 2 ൻ്റെ എഡിറ്റർ വിജയ് ശങ്കർ. ബ്രഹ്മാണ്ട ചിത്രമായ മരയ്ക്കാറിൻ്റെ സംഗീത സംവിധായകൻ റോണി റാഫേൽ, അത്ഭുതമായി മാറിയ ജെല്ലിക്കെട്ടിൻ്റെ സൗണ്ട് ഡിസൈനർ രംഗനാഥ് രവി, എന്നിങ്ങനെ വലിയ പ്രതിഭകളുടെ സാന്നിദ്ധ്യം ഈ ചിത്രത്തിൻ്റെ മാറ്റു വർദ്ധിപ്പിക്കുന്നു.
ലിയോയുടെ കഥക്ക് തിരക്കഥ രചിച്ചിരിക്കുന്നത് ബിയോൺ ടോം ആണ്. സെവൻസ്;അങ്കിൾ എന്നീ ചിത്രങ്ങളുടെ നിർമ്മാതാവായ സജയ് സെബാസ്റ്റ്യനാണ് ചിത്രത്തിൻ്റെ നിർമ്മാതക്കളിലൊരാൾ. പ്രശസ്ത കനേഡിയൻ ഛായാഗ്രാഹകനായ എ.കെ. നമറ്റ് ചെക്ക് ആണ് ചിത്രത്തിൻ്റെ ഛായാഗ്രഹണം നിർവ്വഹിച്ചിരിക്കുന്നത്.
യു.കെ.യിലെ ഏതാനും മലയാളികളും, യു.കെ.താരങ്ങളും ഈ ചിത്രത്തിലണി നിരക്കുന്നു. നിർമ്മാണ പ്രവർത്തനങ്ങൾ പൂർത്തിയായി വരുന്ന ചിത്രം ജൂണിൽ പ്രദർശനത്തിനെത്തും
വാഴൂർ ജോസ്-
Post Your Comments